2 Samuel 18:1 - Pijin Bible

¹ Oraet, King Deved hemi kolem kam olketa soldia blong hem. Hemi divaedem olketa long olketa seksin, wea samfala seksin i garem 1,000 soldia, an samfala seksin i garem 100 soldia. An hemi siusim olketa komanda, mekem olketa lidim olketa seksin ya.

Pijin Deuterocanon

¹ Oraet, King Deved hemi kolem kam olketa soldia blong hem. Hemi divaedem olketa long olketa seksin, wea samfala seksin i garem 1,000 soldia, an samfala seksin i garem 100 soldia. An hemi siusim olketa komanda, mekem olketa lidim olketa seksin ya.

2 Samuel 18:1 Iomraidhean Croise

Eksodas 17:9

So, Mosis hemi tok olsem long Josua, “Yu go siusim olketa man fo faet, an tumoro bae yufala go faetem olketa ya long laen blong Amalek. Tumoro, bae mi stanap antap long hil ya longwe, an holem disfala wokingstik wea God hemi talem mi fo holem.”

Eksodas 18:21

Bat hemi gud sapos yu siusim samfala gudfala man, an yu mekem olketa fo kamap lida fo olketa pipol ya. Samfala bae i lida long 1,000 pipol, an samfala bae i lida long 100 pipol, an samfala bae i lida long 50 pipol, an samfala bae i lida long tenfala pipol. Olketa ya mas olketa man hu i tinghae long God, an wea olketa pipol save trastem olketa, an wea i no save ravem pipol.

Eksodas 18:25

Mosis hemi siusim samfala gudfala man from evri traeb blong Israel, an hemi mekem olketa fo kamap lida fo olketa pipol ya, samfala olsem lida long 1,000 pipol, an samfala olsem lida long 100 pipol, an samfala olsem lida long 50 pipol, an samfala olsem lida long tenfala pipol.

Nambas 31:14

Bat taem Mosis hemi lukim olketa, hemi kros tumas long olketa komanda blong ami wea i kambaek from faet ya.

Diutronomi 20:9

An taem olketa toktok finis, olketa mas makem olketa lida blong olketa soldia.

Josua 8:10

Eli moning long neks de, Josua hemi kolem olketa soldia fo kam tugeta. Nao hem wetem olketa narafala lida blong Israel i lidim ami ya fo go long Ai.

1 Samuel 22:7

So hemi tok olsem long evri bikman, “!Olketa blong Benjamin, yufala lisin! ?Waswe, yufala tingse sapos yufala sapotem datfala san blong Jese, bae hemi save givim olketa lan long yufala fo mekem gaden o plantesin blong grep long hem? ?Yufala tingse bae hemi mekem yufala evriwan fo kamap komanda blong olketa soldia blong hem?

1 Samuel 8:12

Bae hemi mekem samfala fo komanda long 1,000 soldia, an samfala bae komanda long 50 soldia. Olketa pikinini blong yufala bae wakem olketa gaden blong hem, an samfala moa bae gohed fo tekemaot kaikai from olketa gaden ya. Bae olketa wakem olketa samting fo faet wetem olketa samting blong olketa kaat blong hem.