2 Samuel 17:9 - Pijin Bible

⁹ Ating distaem, hemi haed long wanfala kev, o long wanfala narafala ples. An sapos hemi kam fastaem fo faetem olketa soldia blong yu an hemi win, nogud evriwan hu i herem i sei, ‘!Yu save, staka man long ami blong Absalom i dae finis!’

Pijin Deuterocanon

⁹ Ating distaem, hemi haed long wanfala kev, o long wanfala narafala ples. An sapos hemi kam fastaem fo faetem olketa soldia blong yu an hemi win, nogud evriwan hu i herem i sei, ‘!Yu save, staka man long ami blong Absalom i dae finis!’

2 Samuel 17:9 Iomraidhean Croise

2 Samuel 17:10

Nomata olketa soldia blong yu i strong olsem laeon, bat kaen toktok ya bae mekem olketa fraet nomoa, bikos evriwan long Israel i save finis wea dadi blong yu hemi wanfala nambawan soldia, an olketa soldia blong hem i nating fraet.

2 Samuel 17:8

Yu save dat dadi blong yu an olketa soldia blong hem, olketa ya i barava save tumas hao fo faet. An distaem olketa barava kros nogud olsem mami wael animol, taem samwan i stilim olketa pikinini blong hem. An bikos dadi blong yu hemi bin go long staka faet bifoa kam, tunaet bae hemi no save stap wetem olketa soldia blong hem.

Jeremaea 41:9

Disfala ren tangk wea Ismael hemi torowem go ded bodi blong olketa man ya long hem, hemi bikwan tumas. King Asa bifoa hemi bin digim ren tangk ya fo fulumap long wata long taem wea King Baasa blong Israel, hemi bin kam fo faet agensim hem. Bat Ismael ya, hemi fulumapem ren tangk ya long ded bodi.

Josua 7:5

Olketa man blong Ai i stat long geit long bikfala wolston blong taon ya an ronem olketa go-go kasem wanfala hil wea olketa digim ston long hem. An taem olketa ronem olketa kamdaon long hil ya, olketa kilim dae teti-siks long olketa soldia blong Josua. Olketa blong Israel i fraet fogud long olketa man ya, an tingting blong olketa hemi barava wikdaon finis nao.

Josua 8:6

Bae olketa ronem mifala go farawe from taon ya, an tingse mifala ranawe from olketa olsem wea yumi bin duim lastaem.

1 Samuel 22:1

Oraet, Deved hemi lusim Gat an hemi ranawe go stap long wanfala kev long Adulam. Taem olketa brata an olketa long famili blong hem i herem dat hemi stap long ples ya, olketa kam joenem hem.

1 Samuel 23:22

Yufala go sekemap moa. Yufala go faendemaot wea nao ples hemi stap long distaem, an hu nao hemi lukim hem long dea. Mi herem olsem wea hemi barava kleva tumas fo haed.

1 Samuel 24:3

Go-go, Sol hemi kam long wanfala kev kolsap long ples wea olketa sipsip i save stap long saet long rod. Nao bele blong hem nogud an hem laek go long bus, so hemi go insaet long kev. Bat wea, Deved wetem olketa man blong hem i haed barava insaet long datfala sem kev.