2 Samuel 17:28 - Pijin Bible

^28-29 Trifala ya i tekem kam plande samting, fo givim long King Deved wetem olketa pipol blong hem. Olketa samting olsem, olketa dis, an olketa baol, an olketa samting fo slip, an samfala kaikai. Olketa kaikai ya i wit, an bali, an flaoa, an wit wea olketa bonem, an olketa bin, an hani, an samfala deferen kaen kaikai wea olketa wakem long milk, an olketa sipsip. Trifala ya i duim bikos trifala save finis olsem Deved wetem olketa pipol blong hem i hanggre an taet, an olketa barava dae fo wata tu bikos olketa kam long drae eria.

Pijin Deuterocanon

^28-29 Trifala ya i tekem kam plande samting, fo givim long King Deved wetem olketa pipol blong hem. Olketa samting olsem, olketa dis, an olketa baol, an olketa samting fo slip, an samfala kaikai. Olketa kaikai ya i wit, an bali, an flaoa, an wit wea olketa bonem, an olketa bin, an hani, an samfala deferen kaen kaikai wea olketa wakem long milk, an olketa sipsip. Trifala ya i duim bikos trifala save finis olsem Deved wetem olketa pipol blong hem i hanggre an taet, an olketa barava dae fo wata tu bikos olketa kam long drae eria.

2 Samuel 17:28 Iomraidhean Croise

Jenesis 25:34

Nao Jekob hemi tekem kam supsup ya wetem bred an hemi givim go long hem. Taem hemi kaikai finis nomoa, hemi stanap an hemi go nao. Samting ya hemi barava somaot nao dat Iso hemi nating tinghevi nomoa long olketa samting ya wea hem nomoa hemi garem raet fo tekova from dadi bikos hem nao fasbon.

Provebs 11:25

Man givim plande samting, bae hem garem plande moa. Yu givim kapa wata, bae olketa givim kap wata long yu.

Aesaea 32:8

Bat olketa pipol hu i wiling fo helpem olketa narafala pipol, oltaem olketa mekem olketa gudfala plan an duim olketa gudfala samting.

Obadaea 1:3

Yufala haemapem yufala seleva tumas. Yufala stap long olketa strongfala ples antap long olketa maonten blong yufala, an yufala tingting olsem, ‘!No eniwan save mekem mifala kamdaon!’ Bat olketa tingting ya hemi laea nomoa.

Matiu 5:7

Olketa hu i sore an kaen long nara man, olketa save hapi ya, bikos God bae hemi sore an kaen long olketa.

1 Samuel 25:18

So Abigeil hemi hariap an tekem 200 bred, an tufala kontena waen, an faefala sipsip wetem faefala baeg bali wea olketa bonem finis, an 100 pasel grep wea i sandrae, wetem 200 pasel frut blong fig tri wea i sandrae. Hemi putum evrisamting long olketa dongki blong hem.