2 Samuel 17:27 - Pijin Bible

²⁷ Taem Deved hemi kasem Mahanaem, trifala man nao i kam mitim hem long dea. Fas man nao hemi Sobi, san blong Nahas, man blong Raba long Amon. Mektu hemi Makia, san blong Amiel, blong taon long Lo-Deba. Mektri hemi Basilae blong taon long Rogelim long Gilead.

Pijin Deuterocanon

²⁷ Taem Deved hemi kasem Mahanaem, trifala man nao i kam mitim hem long dea. Fas man nao hemi Sobi, san blong Nahas, man blong Raba long Amon. Mektu hemi Makia, san blong Amiel, blong taon long Lo-Deba. Mektri hemi Basilae blong taon long Rogelim long Gilead.

2 Samuel 17:27 Iomraidhean Croise

2 Samuel 12:26

Long datfala taem, Joab an ami blong hem i gohed fo faetem ami blong Raba, disfala taon wea hemi kapitol blong kantri long Amon. Nao hemi tekova finis long strongfala sefples blong king.

2 Samuel 17:26

Oraet, Absalom wetem olketa soldia blong Israel i putumap olketa haostent blong olketa long eria long Gilead.

2 Samuel 9:4

So king hemi askem olsem, “?Hemi stap long wea?” An hemi ansa olsem, “Hemi stap long Lo-Deba, long haos blong Makia, san blong Amiel.” So king hemi mekem hemi kam lukim hem.

1 Kings 2:7

“Bat yu mas kaen long olketa pikinini blong Basilae, man blong Gilead ya. Yu mas tekem kam olketa fo kaikai long haos blong yu. Bikos bifoa, long taem wea mi bin ranawe from brata blong yu Absalom, olketa ya i barava kaen tumas long mi.

Esra 2:61

An samfala prist tu i gobaek from Babilonia, wea i bon kam long olketa laen blong Hobaea, an Hakos, an Basilae. (Disfala Basilae hemi bin maritim wanfala dota blong wanfala man wea nem blong hem nao Basilae blong Gilead, so hemi bin tekem nem blong dadi inlo ya.)

1 Samuel 11:1

Long datfala taem, King Nahas blong Amon hemi tekem kam olketa soldia blong hem long eria blong Gilead, nao olketa hipap raonem taon long Jabes fo mekem faet. Bat olketa pipol blong taon ya i tok olsem long hem, “Mifala laekem yumi fo mekem wanfala agrimen distaem olsem, sapos yu no kam fo mekem faet wetem mifala, bae mifala letem yufala fo rul ovarem mifala.”