2 Samuel 17:22 - Pijin Bible

²² So, Deved an olketa pipol blong hem i stat fo krosim Jodan riva. Taem hemi stat fo delaet, olketa evriwan i go akros finis.

Pijin Deuterocanon

²² So, Deved an olketa pipol blong hem i stat fo krosim Jodan riva. Taem hemi stat fo delaet, olketa evriwan i go akros finis.

2 Samuel 17:22 Iomraidhean Croise

2 Samuel 17:21

Bihaen olketa gobaek finis, tufala ya i kamaot from datfala wel, an tufala go talemaot olketa nius long King Deved. Tufala talem hem abaotem plan blong Ahitofel, an tufala talem hem fo hariap go krosim Jodan riva.

2 Samuel 17:23

Taem Ahitofel hemi save dat olketa no falom plan blong hem, hemi redim dongki blong hem, an hemi raedem gobaek long hom blong hem. Den hemi stretem evri bisnis blong hem. Bihaen hemi tekem rop, an hemi go hangem hem seleva dae. An olketa famili blong hem i berem hem long beregraon blong olketa.

2 Samuel 17:24

Nao King Deved an olketa wetem hem i kasem taon long Mahanaem finis. Long datfala taem Absalom wetem olketa soldia blong Israel i gohed fo go krosim Jodan Riva.

Sams 42:6

Long hia, long narafala kantri, mi barava sore fogud, so mi mas tingim yu moa. Yu bin sendem kam trabol long laef blong mi olsem olketa bikfala wev long solwata. Olketa bikfala trabol ya i kasem mi olsem wata wea hemi ran bikfala an hemi draonem mi nao. Olketa trabol ya i kasem mi olsem olketa bikfala watafol wea hemi kamdaon from tufala maonten long Hemon an long Misa, wea hemi meknoes olsem tanda, an godaon long Jodan Riva.

Provebs 27:12

Man garem save, hemi lukim trabol, hem go long sef ples. Man no garem save, hem gohed long trabol, an hemi safa.

Nambas 31:49

An olketa tok olsem long hem, “Masta, mifala wakaman blong yu, mifala kaontem olketa soldia blong mifala, an no eniwan long olketa hemi lus.

Matiu 10:16

An Jisas hemi sei moa, “Yufala lisin kam fastaem, mi sendem yufala fo goaot olsem olketa sipsip wea olketa goaot long midol long olketa wael dog. So yufala mas olsem olketa snek wea olketa kleva tumas an yufala mas olsem olketa kurukuru wea olketa no save raf.

Gudnius abaotem Jisas Kraes wea Jon hemi raetem 18:9

Jisas hemi talem diswan fo mekem wanem hemi talem fastaem fo kamtru, wea hemi sei “Dadi, mi no lusim eniwan long olketa pipol wea yu givim kam long mi ya.”