2 Samuel 15:32 - Pijin Bible

³² Nao antap long hil ya, long tambuples long dea, Deved hemi mitim Husae, wanfala man long laen blong Aki. Man ya hemi bin brekem kaleko blong hem, an hemi putum dast long hed blong hem, fo somaot dat hemi filnogud.

Pijin Deuterocanon

³² Nao antap long hil ya, long tambuples long dea, Deved hemi mitim Husae, wanfala man long laen blong Aki. Man ya hemi bin brekem kaleko blong hem, an hemi putum dast long hed blong hem, fo somaot dat hemi filnogud.

2 Samuel 15:32 Iomraidhean Croise

2 Samuel 1:2

Long mektri de, wanfala yangman hemi kam kasem taon ya. Disfala yangman hemi bin stap kam long ples wea ami blong King Sol i bin stap long hem. An fo somaot dat hemi filnogud tumas, hemi brekem olketa kaleko blong hem, an hemi putum dast long hed blong hem bifoa hemi kam fo lukim Deved. Taem hemi kam kasem Deved, hemi nildaon long graon fo mekhae long hem.

2 Samuel 13:19

Nao hemi go putum asis long hed blong hem, an hemi brekem disfala spesol kaleko blong hem. An hemi kavaremap fes blong hem wetem han blong hem an hemi gohed fo krae bikfala an wakabaot go.

2 Samuel 15:30

Nao king wetem olketa pipol i goaot, an falom rod wea hemi go pas antap long Hil blong Oliv Tri. Hemi tekemaot sandol blong hem, an hemi kavaremap hed blong hem fo somaot dat hemi filnogud, an hemi gohed fo krae bikfala. Olketa evriwan wea i go wetem hem, olketa tu i kavaremap hed blong olketa, an gohed fo krae.

2 Samuel 16:1

Taem King Deved, an olketa pikinini blong hem, an olketa bikman blong hem i winim go lelebet antap long hil ya, hemi mitim Siba disfala hemi wakaman blong Mefiboset. Man ya hemi tekem kam tufala dongki blong hem, wea tufala karim 200 bred, wetem 100 pasel grep wea olketa draem, an 100 pasel narafala frut, an samfala waen.

2 Samuel 16:15

Long datfala taem, Absalom wetem olketa soldia blong Israel wea i saet wetem hem, olketa kam fo stap long Jerusalem. An Ahitofel hemi stap wetem hem.

2 Samuel 17:5

Den Absalom hemi tok olsem, “Yufala go kolem kam Husae, man long laen blong Aki. Bae yumi herem tingting blong hem abaotem disfala plan.”

1 Kings 11:7

An antap long bikfala hil wea hemi ist long Jerusalem, Solomon hemi bildim wanfala tambuples fo wosipim Kemos, disfala ravis god blong pipol blong Moab, an hemi bildim nara tambuples tu fo wosipim Molek, wanfala ravis god blong pipol blong Amon.

1 Kings 4:16

Baana, san blong Husae, hemi lukaftarem distrik long Asa an long Bealot.

1 Kronikols 27:33

Ahitofel hemi advaesa blong king. Husae hu hemi long laen blong Aki, hemi fren blong king.

Sams 3:7

!Lod Yawe, plis yu kam an sevem mi! !Yu nao yu God blong mi! Yu gohed fo panisim olketa enemi blong mi, an yu gohed fo brekemdaon paoa blong olketa.

Sams 50:15

Yufala mas kolem mi long taem blong trabol, an bae mi sevem yufala, an yufala bae mekhae long mi.”

Sams 91:15

Taem olketa kol kam long mi, bae mi ansarem olketa. An bae mi stap wetem olketa taem trabol hemi kasem olketa. Ya, bae mi aotem olketa from trabol, an bae mi givim biknem long olketa.

Gudnius abaotem Jisas Kraes wea Luk hemi raetem 19:29

Taem hemi kolsap kasem tufala vilij ya Betfeis an Betani, wea tufala stap kolsap long hil blong Oliv tri, hemi sendem go tufala disaepol blong hem fo go fastaem nao. An hemi tok olsem long tufala,

Josua 16:2

nao hemi go kasem taon long Lus, an hemi go pas long Atarot wea hemi spialaen long eria blong olketa pipol long Aki.

1 Samuel 4:12

Wanfala man long traeb blong Benjamin wea hemi ranawe long faet, hemi kasem Saelo long sem de nomoa. Hemi bin brekem kaleko blong hem, an hemi bin putum dast long hed blong hem fo somaot hemi sore tumas.