2 Samuel 15:25 - Pijin Bible

²⁵ Den king hemi tok olsem long Sadok, “Yufala tekem gobaek Tambu Boks ya long taon. Sapos Yawe hemi hapi wetem mi, bae hemi letem mi kambaek moa fo lukim Tambu Boks ya wetem tambu haostent wea hemi stap long hem.

Pijin Deuterocanon

²⁵ Den king hemi tok olsem long Sadok, “Yufala tekem gobaek Tambu Boks ya long taon. Sapos Yawe hemi hapi wetem mi, bae hemi letem mi kambaek moa fo lukim Tambu Boks ya wetem tambu haostent wea hemi stap long hem.

2 Samuel 15:25 Iomraidhean Croise

2 Samuel 6:17

Olketa karim Tambu Boks go fo putum long ples blong hem insaet long haostent wea King Deved hemi mekem redi finis. Den hemi kilim dae olketa animol fo mekem sakrifaes go long Yawe. Samfala olketa barava bonem, an samfala i sakrifaes fo somaot dat olketa stapgud wetem Yawe.

2 Samuel 7:2

Long datfala taem hemi tok olsem long Profet Natan, “Distaem mi stap long wanfala gudfala bik haos wea olketa wakem long timba blong sida tri, bat Tambu Boks blong God, hemi stap long wanfala haostent nomoa.”

Sams 122:1

Mi barava hapi tumas taem olketa pipol i tok olsem long mi, “Yumi go long Tambuhaos blong Yawe.”

Sams 122:9

An bikos Tambuhaos blong Yawe hu hemi God blong mifala, hemi stap long yu, hem nao, mi laekem tumas fo yu stap gudfala olowe. (Olketa singim disfala singsing taem olketa goap fo fist long Jerusalem.)

Sams 26:8

Lod Yawe, mi laekem tumas haos wea yu stap long hem. Bikos long ples ya nao, bikfala paoa blong yu hemi saen fogud long hem.

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Eksodas 15:13

“Mifala i pipol blong yu, an yu tinghevi long mifala olowe, nao yu mekem mifala fri, an yu gohed fo lidim mifala. An long paoa blong yu, yu gohed fo somaot rod long mifala, mekem mifala go kasem holi ples ya yu bin promisim fo mifala.

Eksodas 33:12

Mosis hemi tok olsem long Yawe, “Yu bin talem mi finis fo lidim olketa pipol fo go long lan wea yu bin promisim finis, bat yu nating talem nomoa hu nao bae hemi go wetem mi. Yu bin talem finis dat yu savegud tumas long mi, an yu hapi tumas long mi tu.

Eksodas 33:13

Nao sapos tingting blong yu hemi olsem yet, plis yu tisim mi olketa wei blong yu, mekem mi savegud long yu an save duim olketa waka blong yu, an mi save gohed fo mekem yu hapi long mi. An plis yu tingim tu, wea yu nao yu siusim finis olketa pipol ya fo kamap barava pipol blong yu.”

Aesaea 38:22

An King Hesekaea bin askem Profet Aesaea olsem, “?Watkaen saen nao mi save lukim fo somaot dat bae mi save gohed fo laef an goap moa fo wosip long Tambuhaos blong Yawe?”

Jeremaea 25:30

Yawe hemi gohed fo tok long mi olsem, “Jeremaea. Yu talemaot disfala profesi agensim olketa: Yawe hemi singaot bikfala from heven olsem laeon, an voes blong hem hemi here olsem saon blong bikfala tanda. Bae hemi saot bikfala agensim olketa long lan blong hem. Bae hemi singaot olsem pipol hu i step long grep fo wakem waen, agensim evri pipol long wol.

Jeremaea 7:4

Yufala no bilivim olketa laea toktok blong olketa pipol hu i gohed fo sei bae yufala i sef bikos Tambuhaos blong mi hemi stap long Jerusalem.