2 Samuel 15:24 - Pijin Bible

²⁴ Long datfala taem, Prist Sadok an samfala Livaet hu i karim kam Tambu Boks blong Spesol Agrimen blong God, i go stap antap long hil. Nao olketa Livaet i putumdaon Tambu Boks blong God long dea. An Prist Abiata, hemi goap tu kasem Tambu Boks ya, an hemi stap long dea go-go olketa evriwan i lusim Jerusalem finis.

Pijin Deuterocanon

²⁴ Long datfala taem, Prist Sadok an samfala Livaet hu i karim kam Tambu Boks blong Spesol Agrimen blong God, i go stap antap long hil. Nao olketa Livaet i putumdaon Tambu Boks blong God long dea. An Prist Abiata, hemi goap tu kasem Tambu Boks ya, an hemi stap long dea go-go olketa evriwan i lusim Jerusalem finis.

2 Samuel 15:24 Iomraidhean Croise

2 Samuel 15:27

An king hemi gohed fo tok olsem long hem, “Yu man fo lukim olketa spesol drim. Hemi moabeta yutufala Abiata tekem san blong yu Ahimaas, an Jonatan, san blong Abiata, an yufala gobaek long Jerusalem. Yufala go an yufala no wari moa.

2 Samuel 15:35

Tufala prist ya Sadok an Abiata, tufala bae stap long taon ya tu. An bae yu mas talem tufala, evrisamting wea yu herem long haos blong king.

2 Samuel 20:25

Seva hemi raetem olketa toktok blong king. Sadok an Abiata, tufala i prist.

2 Samuel 6:13

Taem olketa man wea i karim Tambu Boks i jes stat fo wakabaot, king hemi stopem olketa fo weit fastaem. Den hemi kilim dae wanfala man buluka wetem wanfala smolfala fat buluka, fo mekem sakrifaes go long Yawe.

2 Samuel 8:17

Sadok, san blong Ahitub, an Ahimelek, san blong Abiata, tufala i prist. Seraea, hemi raetem olketa toktok blong king.

1 Kings 1:8

Bat Prist Sadok, an Benaea, an Profet Natan, an Simei, an Rei, an olketa sekiuriti blong King Deved, olketa evriwan i no saet wetem hem.

1 Kings 2:26

King Solomon hemi tok olsem long Prist Abiata, “Yu mas go long hom blong yu long Anatot. Hemi fit nomoa fo yu dae tu. Bat mi no save kilim yu distaem, bikos bifoa, yu helpem dadi blong mi fo karim Tambu Boks blong Lod Yawe, an yu bin fesim olketa trabol wea dadi blong mi hemi fesim.”

1 Kings 2:35

Nao king hemi mekem Benaea ya, san blong Jehoeada, fo kamap komanda blong ami blong hem, so hemi sensim Joab. An king hemi mekem Prist Sadok hem sensim Abiata.

1 Kronikols 15:2

Nao hemi tok olsem, “Olketa Livaet nomoa i garem raet fo karim Tambu Boks blong God, bikos Yawe hemi bin siusim olketa ya fo karim hem, an duim olketa waka blong hem olowe.”

Esikiel 48:11

Disfala lan bae hemi fo olketa prist hu i bon kam bihaen long laen blong Sadok. Olketa bin gohed fo duim gud waka fo mi, an i no joen wetem olketa narafala laen blong Israel wea i go rong olsem olketa narafala Livaet ya bin duim.

Nambas 4:15

Taem yufala redi fo muv go long narafala ples, olketa long laen blong Kohat mas kam karim evrisamting ya. Bat fastaem, Eron wetem tufala san blong hem i mas kavaremap evrisamting fo mekem redi, bikos olketa long laen blong Kohat i no save tasim olketa tambu samting ya. Sapos olketa tasim, bae olketa dae.

Nambas 7:9

Bat Mosis hemi no givim eni kaat o buluka go long laen blong Kohat, bikos olketa lukaftarem olketa tambu samting wea olketa mas karim long solda blong olketa nomoa.

Josua 3:3

an tok olsem long olketa, “Taem yufala lukim olketa prist long traeb blong Livae i wakabaot go an karim Tambu Boks long Spesol Agrimen blong Yawe hu hemi God blong yumi, yufala mas falom olketa.

Josua 3:6

Long neks de, Josua hemi tok olsem long olketa prist ya, “Yufala karim Tambu Boks ya, an go fastaem long evriwan. Nao evriwan bae i go bihaen long yufala.” An olketa duim nao wanem hemi talem.

Josua 6:4

Bae sevenfala prist nao i holem an bloum trampet fo maas go frant long olketa prist wea i karim Tambu Boks long Spesol Agrimen blong mi. Long mekseven de, bae yufala maas raonem taon ya sevenfala taem. An long taem ya, bae olketa prist ya mas gohed fo bloum trampet blong olketa.

Josua 6:6

So Josua hemi kolem olketa prist fo kam tugeta, an hemi tok olsem long olketa, “Distaem, sevenfala prist long yufala hu i holem olketa trampet wea olketa wakem long hon blong sipsip, bae i maas go fastaem long olketa narawan long yufala hu i karim Tambu Boks long Spesol Agrimen blong Yawe.”

1 Samuel 22:20

Bat Abiata, wanfala san blong Ahimelek, hemi ranawe an go joenem Deved.

1 Samuel 4:11

Long faet ya, Hofni an Finehas, tufala san blong Ilae, tufala dae. An olketa blong Filistia nao i tekem go Tambu Boks blong God.