2 Samuel 14:9 - Pijin Bible

⁹ Den disfala woman blong Tekoa hemi tok olsem, “Masta blong mi, sapos trabol hemi kamap from disfala samting, letem hemi kasem mi an laen blong dadi blong mi. An yu king wetem laen blong yu, no eniwan save sei wea yufala i fit fo panis long hem.”

Pijin Deuterocanon

⁹ Den disfala woman blong Tekoa hemi tok olsem, “Masta blong mi, sapos trabol hemi kamap from disfala samting, letem hemi kasem mi an laen blong dadi blong mi. An yu king wetem laen blong yu, no eniwan save sei wea yufala i fit fo panis long hem.”

2 Samuel 14:9 Iomraidhean Croise

Jenesis 27:13

Nao mami blong hem hemi tok olsem, “Pikinini blong mi. Sapos hemi mekem trabol fo kasem yu, letem trabol ya bae hemi kam kasem mi seleva nomoa. Yu duim nomoa wanem mi talem. Yu go tekem kam tufala nanigot.”

Jenesis 43:9

Mi promisim bae mi lukaftarem hem gudfala, an hemi bisnis blong mi nao fo tekem hem kambaek sef long hia. An sapos hemi no kambaek sef long yu, bae mi nao mi karim panis long disfala samting ya olowe nao go-go mi dae.

2 Samuel 14:10

Bat king hemi tok olsem, “Sapos eniwan hemi laekem spoelem yu long disfala samting, bae yu tekem hem kam long mi, an bae hemi no save spoelem yu moa.”

2 Samuel 14:8

So king hemi tok olsem long hem, “Yu go hom. Mi nao bae mi stretem trabol blong yu ya.”

1 Kings 2:33

Joab an olketa long laen blong hem, bae i fit fo panis from blad blong Abna an Amasa olowe. Bat mifala long laen blong Deved, an mifala hu i kamap king, letem Yawe hemi mekem mifala fo garem piis olowe.”

Nambas 35:33

“Yu save, blad blong man dae hemi save spoelem lan blong yufala. So yufala mas no letem eniwan spoelem lan blong yufala olsem. Dastawe taem blad blong man dae hemi spoelem lan, wanfala wei nomoa hemi stap fo mekem lan hemi kamap klin moa long ae blong mi. Datfala wei nao hemi olsem, yufala mas kilim dae man fo kil ya.

Matiu 27:25

Nao olketa pipol ya olketa sei long hem, “!Hemi oraet, dae blong disfala man hemi bisnis blong mifala an blong evriwan long laen blong mifala bihaen!”