2 Samuel 14:7 - Pijin Bible

⁷ An distaem, olketa long laen blong mi i gohed fo agensim mi, an olketa talem mi fo letem olketa kilim dae narafala pikinini, bikos hemi bin kilim brata blong hem. Bat ating olketa laek kilim hem dae fo tekova long lan blong mifala. Sapos olketa duim samting ya, bae mi lus an no garem eni pikinini moa, an hasban blong mi bae hemi no garem eniwan fo karim nem blong hem.”

Pijin Deuterocanon

⁷ An distaem, olketa long laen blong mi i gohed fo agensim mi, an olketa talem mi fo letem olketa kilim dae narafala pikinini, bikos hemi bin kilim brata blong hem. Bat ating olketa laek kilim hem dae fo tekova long lan blong mifala. Sapos olketa duim samting ya, bae mi lus an no garem eni pikinini moa, an hasban blong mi bae hemi no garem eniwan fo karim nem blong hem.”

2 Samuel 14:7 Iomraidhean Croise

Jenesis 27:45

an hemi fogetem olketa samting ya wea yu bin duim long hem. Long taem ya nao, bae mi sendem wanfala wakaman fo hemi tekem yu kambaek long hia. !Hemi nogud fo mi lusim tufala pikinini blong mi evriwan long sem de nomoa!”

Jenesis 4:14

Distaem yu ranem mi aot nao from ples ya, mekem mi no save stap moa long ples ya wea yu stap. Bae mi no garem eni ples moa long wol ya, an oltaem long laef blong mi, bae mi gohed fo wakabaot olobaot nomoa. !An sapos eni man hemi faendem mi, bae hemi kilim mi dae nao ya!”

2 Samuel 12:17

Olketa bikman long haos blong hem i trae mekem hem getap, bat hemi les, an hemi no kaikai wetem olketa tu.

2 Samuel 14:6

Mi garem tufala pikinini boe. Wanfala de, tufala ya go long gaden, an tufala raoa go-go tufala faet. An bikos no eni man hemi stap fo stopem tufala, wanfala hemi kilim dae narawan.

2 Samuel 14:8

So king hemi tok olsem long hem, “Yu go hom. Mi nao bae mi stretem trabol blong yu ya.”

Matiu 21:38

Bat taem olketa man hu olketa haerem plantesin ya olketa lukim hem, olketa tok olsem tugeta long olketa seleva nao, ‘Hem ya nao man hu bae hemi sensim dadi blong hem fo onam plantesin ya. Kam, yumi kilim hem dae, mekem plantesin ya hemi blong yumi nao.’

Diutronomi 25:6

Nao fasbon pikinini boe wea tufala garem, hemi barava olsem pikinini blong man dae, an bae hemi tekem nem blong man dae. Long disfala wei, nem blong man dae hemi no save lus long pipol blong Israel.