2 Samuel 14:26 - Pijin Bible

²⁶ Hea blong hem hemi longfala tumas, an hemi save katem wantaem nomoa long wan yia. Taem hea blong hem hemi grou longfala tumas, hemi katem, an oltaem hemi gohed fo skelem hevi blong hem. An hevi blong hem hemi winim tufala kilo long stretfala skel wea olketa yusim long datfala taem.

Pijin Deuterocanon

²⁶ Hea blong hem hemi longfala tumas, an hemi save katem wantaem nomoa long wan yia. Taem hea blong hem hemi grou longfala tumas, hemi katem, an oltaem hemi gohed fo skelem hevi blong hem. An hevi blong hem hemi winim tufala kilo long stretfala skel wea olketa yusim long datfala taem.

2 Samuel 14:26 Iomraidhean Croise

Jenesis 23:16

Ebraham hemi agri fo peim praes ya wea man ya hemi talemaot long ae blong olketa pipol blong ples ya. Nao long ae blong olketa pipol ya, hemi skelem olketa silva seleni blong hem fo kasem barava praes ya, olsem wea olketa bisnisman save duim olowe long taem ya.

2 Samuel 18:9

Oraet, Absalom hemi gohed fo raed antap long dongki blong hem, an seknomoa hemi mitim samfala soldia blong King Deved. Hemi trae fo ranawe, bat taem dongki blong hem hemi ran go andanit long wanfala bikfala tri, hea blong hed blong Absalom hemi pas long brans blong tri ya. Bat dongki hemi gohed ran, so man ya hemi hang long brans blong tri nao.

Aesaea 3:24

Bae olketa no save smel naes moa, bat bae olketa barava smel nogud tumas. Bae olketa no save werem olketa nambawan strap, bat bae olketa enemi i taemapem olketa wetem rop olsem slev. Bae hea blong olketa no luknaes, bat bae olketa enemi i resam hea blong olketa. Bae olketa no save werem olketa barava spesol kaleko blong olketa, bat bae olketa werem nomoa olketa ravis kaleko. Bae olketa no save luknaes olsem distaem, bikos bae olketa enemi i makem bodi blong olketa olsem slev.

Esikiel 44:20

“Olketa prist ya mas no sevem hea long hed blong olketa, an mas no letem hea blong olketa fo grou long tumas. Olketa mas katem hea blong olketa sot gudfala nomoa.

Levitikas 19:36

Taem yufala skelem hevi blong samting, o yufala mesarem haomas lita blong samting, yufala mas duim long wei wea hemi stret fogud, bikos mi nao Yawe, God blong yufala, an mi nao mi tekem yufala aot from Ijip.

1 Korin 11:14

Wei blong evrisamting long wol tu i talem yumi wea wanfala man hu hemi garem longfala hea hemi luk nogud.