2 Samuel 14:25 - Pijin Bible

²⁵ Nao long datfala taem, no eni narafala man hemi stap long Israel wea pipol i save olsem hemi luknaes tumas olsem Absalom. Stat long hed blong hem go kasem lek blong hem, no eni mak long bodi blong hem.

Pijin Deuterocanon

²⁵ Nao long datfala taem, no eni narafala man hemi stap long Israel wea pipol i save olsem hemi luknaes tumas olsem Absalom. Stat long hed blong hem go kasem lek blong hem, no eni mak long bodi blong hem.

2 Samuel 14:25 Iomraidhean Croise

Stori abaotem Job 2:7

So Seitan hemi goaot, an hemi mekem enikaen ravis soa nomoa fo kavaremap bodi blong Job, stat long hed blong hem go-go kasem fut blong hem.

Provebs 31:30

Samfala woman i naes, bat hemi laea nomoa, samfala woman luknaes, bat lelebet taem nomoa an hem finis. Bat woman hu hemi tinghae long Yawe, hemi stret fo tokhae long hem.

Aesaea 1:6

Ya, yufala olsem man wea hemi sik stat long hed blong hem go kasem lek blong hem. Hemi garekil evriwea long bodi blong hem, an hemi garem olketa soa long bodi blong hem. An no eni man hemi klinim olketa soa ya, o putum meresin long olketa, o paselem olketa.

Esikiel 23:15

Olketa man long piksa ya i garem barava spesol strap raonem olketa an spesol kaleko wea olketa taengem raonem hed blong olketa, an olketa luk olsem olketa komanda blong olketa kaat fo faet blong ami blong Babilonia.

Daniel 1:4

Olketa ya i mas luk naes, an mas waes, an mas garem gudfala save. Olketa mas kuiktaem fo lane, an mas no garem enisamting wea hemi rong long bodi blong olketa, mekem olketa fit fo waka insaet long haos blong king. An king hemi talem tu fo hemi tisim olketa fo ridim an raetem langguis blong Babilonia an fo lanem abaotem olketa kastom an waes blong kantri ya wea olketa raetem long langguis ya.

Matiu 23:27

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala nao olsem olketa grev wea olketa pendam waet nomoa. Long aotsaet olketa lukgud tumas, bat long insaet olketa fulap long olketa bon an roten bodi blong pipol hu i dae finis.

Efesas 5:27

Bikos taem Kraes hemi tekem sios fo kam long hem seleva, hemi laekem sios fo barava luknaes tumas wea hemi no garem enisamting rong long hem bat hemi stret fogud.

Diutronomi 28:35

Yawe bae hemi mekem lek blong yufala i fulap long olketa ravis boela wea i no save finis, an olketa boela ya bae olketa kavaremap yufala, stat long fut blong yufala go kasem hed blong yufala.

1 Samuel 16:7

Bat Yawe hemi tok olsem long hem, “Yu no tingabaotem hem, nomata hemi tolfala man an hemi luknaes. Mi no laekem hem, bikos wei blong mi fo lukluk long pipol hemi no olsem wei blong man. Man hemi lukluk long bodi nomoa, bat mi Yawe mi lukluk insaet long haat blong hem.”

1 Samuel 9:2

Kis hemi garem wanfala san wea nem blong hem Sol. Hemi wanfala nambawan yang man. An hemi barava tolfala man tu, olsem hed blong hem i hae winim olketa narafala man long Israel.