2 Samuel 14:24 - Pijin Bible

²⁴ Bat king hemi bin tok olsem, “Absalom hemi no save kam stap long haos blong mi. Mi no wande lukim fes blong hem.” So Absalom hemi stap nomoa long haos blong hem, an hemi nating go fo lukim king.

Pijin Deuterocanon

²⁴ Bat king hemi bin tok olsem, “Absalom hemi no save kam stap long haos blong mi. Mi no wande lukim fes blong hem.” So Absalom hemi stap nomoa long haos blong hem, an hemi nating go fo lukim king.

2 Samuel 14:24 Iomraidhean Croise

Jenesis 43:3

Bat Jiuda hemi tok olsem long hem, “Dadi, bikman ya long Ijip hemi tokstrong long mifala, hemi sei neks taem mifala kam, sapos brata blong mifala ya hemi no kam wetem mifala, bae hemi nating laek fo lukim fes blong mifala moa ya.

2 Samuel 13:20

Taem brata blong hem Absalom hemi lukim, hemi ask olsem, “?Waswe, brata blong yu, Amnon hemi fosim yu fo slip wetem hem ya? Man ya hemi wanfala brata blong yumitufala ya, so hemi gud fo yu stap kuaet.” Den Tama hemi go stap long haos blong Absalom, brata blong hem. Bat hemi filnogud tumas, an hemi stap seleva long ples ya.

2 Samuel 14:28

Nao Absalom hemi stap tufala yia long Jerusalem bat hemi no lukim king.

2 Samuel 3:13

So Deved hemi tok olsem long olketa, “Hemi gud tumas. Yufala go talem long hem olsem mi hapi fo mekem agrimen wetem hem. Bat hemi mas mekem wanfala samting nomoa. Sapos hemi kam fo lukim mi, bae hemi mas tekem kambaek dota blong King Sol ya Mikal long mi.”

Eksodas 10:28

Nao king hemi tok olsem long Mosis, “!Yu giraot from ples ya! !Mi no wande lukim yu moa enitaem! !Sapos mi lukim yu moa, bae yu dae nao!”

Revelesin 22:4

An olketa bae lukim fes blong hem olowe, an nem blong hem bae hemi stap long fohed blong olketa.