2 Samuel 13:37 - Pijin Bible

³⁷ Nao Absalom hemi ranawe, an go stap wetem King Talmae, san blong Amihud, hu hemi king blong Gesua. Bat King Deved hemi gohed fo krae oltaem bikos Amnon hemi dae.

Pijin Deuterocanon

³⁷ Nao Absalom hemi ranawe, an go stap wetem King Talmae, san blong Amihud, hu hemi king blong Gesua. Bat King Deved hemi gohed fo krae oltaem bikos Amnon hemi dae.

2 Samuel 13:37 Iomraidhean Croise

2 Samuel 13:34

an Absalom hemi ranawe.” Nao wanfala sekiuriti long taon, hemi lukim wanfala bikfala grup blong olketa man i kam falom rod from Horonaem. An hemi go lukim king, an talem samting ya long hem.

2 Samuel 13:36

Taem hemi talem toktok ya finis, olketa pikinini blong king i kam insaet. An olketa gohed fo krae bikfala. An king wetem olketa bikman blong hem i gohed fo krae tu.

2 Samuel 14:13

So woman ya hemi tok olsem long hem, “?Waswe nao yu duim wanem hemi nogud long ae blong olketa pipol blong God? Wanfala pikinini blong yu hemi go stap farawe long narafala kantri, an yu no letem hem fo kambaek. Long olketa toktok blong yu distaem, yu nomoa yu jajem yu seleva.

2 Samuel 14:23

Den hemi go long Gesua, an tekem kambaek Absalom long Jerusalem.

2 Samuel 14:32

An Absalom hemi ansa olsem, “Yu save. Mi bin sendem go toktok long yu, bat yu nating kam lukim mi. Mi laekem yu fo go lukim king, an talem toktok blong mi long hem olsem, ‘?Waswe nao yu tekem mi aot from Gesua, fo kambaek long hia? Sapos mi stap long dea nomoa, hemi moabeta.’ Mi laekem yu fo mekem mi save go lukim hem. !Sapos mi fit fo panis long enisamting, letem hemi kilim mi dae!”

2 Samuel 15:8

Long taem mi bin stap long Gesua long Aram, mi mekem strongfala promis long hem olsem, sapos Yawe hemi tekem mi kambaek long Jerusalem, bae mi go wosipim hem long Hebron.”

2 Samuel 3:3

Mektu hemi Kiliab, wea mami blong hem Abigeil, wea hemi wido blong Nabal long Kaamel. Mektri hemi Absalom, wea mami blong hem Maaka, wea hemi dota blong King Talmae blong Gesua.

1 Kronikols 3:2

Mektri hemi Absalom. Mami blong hem hemi Maaka, dota blong King Talmae blong Gesua. Mekfoa hemi Adonaeja. Mami blong hem hemi Hagit.