2 Samuel 13:26 - Pijin Bible

²⁶ Den Absalom hemi tok olsem, “Hemi oraet, bat plis, yu letem brata blong mi ya, Amnon, fo kam.” An king hemi tok olsem, “?Waswe nao yu laekem Amnon fo kam?”

Pijin Deuterocanon

²⁶ Den Absalom hemi tok olsem, “Hemi oraet, bat plis, yu letem brata blong mi ya, Amnon, fo kam.” An king hemi tok olsem, “?Waswe nao yu laekem Amnon fo kam?”

2 Samuel 13:26 Iomraidhean Croise

2 Samuel 13:25

Den king hemi tok olsem, “Nomoa, pikinini blong mi. Sapos mifala evriwan i kam, bae hemi mekem yu fo wakahad tumas.” Nao Absalom hemi trae fo sensim tingting blong king, bat king hemi no wiling fo kam, nomata olsem, hemi talem wanfala blesing long Absalom.

2 Samuel 13:27

Bat Absalom hemi gohed fo askem king go-go hemi letem Amnon wetem olketa narafala pikinini blong hem fo go wetem hem.

2 Samuel 20:9

An Joab hemi sei long hem, “?Hao, brata?” An hemi holem biad blong Amasa long raet han blong hem fo kisim hem.

2 Samuel 3:27

Taem Abna hemi kam kasem ples ya, Joab hemi tekem hem go long geit blong bikfala wolston blong taon. Hemi mekem hemi luk olsem hemi laekem tok kuaet wetem hem seleva. An long ples ya nao, hemi holem naef, an busarem Abna long bele blong hem an kilim hem dae. Hemi duim samting ya bikos Abna hemi bin kilim dae brata blong hem Asahel.

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Provebs 26:24

Man hu hemi heitem yu, hem mekem naes toktok fo haedem ravis plan.

Jeremaea 9:7

Dastawe nao Yawe hu hemi garem evri paoa, hemi tok olsem, “Bikos olketa pipol blong mi i gohed fo mekem sin olsem, bae mi mas stretem olketa, olsem wea man hemi bonem silva fo aotem ravis blong hem. Mi no save duim enisamting moa fo olketa.