2 Samuel 13:22 - Pijin Bible

²² Bat Absalom hemi heitem Amnon, an hemi no toktok long hem, bikos hemi bin spoelem sista blong hem.

Pijin Deuterocanon

²² Bat Absalom hemi heitem Amnon, an hemi no toktok long hem, bikos hemi bin spoelem sista blong hem.

2 Samuel 13:22 Iomraidhean Croise

Jenesis 24:50

Nao Laban an dadi blong hem Betuel, i tok olsem, “!Samting ya hemi kamaot long Yawe ya! Mitufala no save talem enisamting nao. Hemi gud nomoa.

Jenesis 31:24

Long taem ya, Jekob wetem grup blong hem, olketa mekem finis ples blong olketa antap long wanfala maonten, mekem olketa res long hem fastaem. Nao Laban wetem olketa man blong hem olketa kam mekem ples blong olketa tu long Gilead. Nao long naet ya, God hemi kam long Laban long wanfala drim, an hemi tok olsem long hem, “Yu lukaot. Nogud yu talem eni strongfala toktok long inlo blong yu ya, Jekob.”

Jenesis 31:29

Mi fitim nomoa fo spoelem yufala evriwan ya, bat long naet, God blong dadi blong yufala hemi kam long mi long wanfala drim, hemi tokstrong long mi fo mi no talem eni strongfala toktok long yu.

2 Samuel 13:21

Taem Deved hemi herem samting ya, hemi barava kros tumas, bat bikos Amnon hemi fasbon pikinini an Deved hemi fevarem hem, hemi no talem enisamting fo mekem Amnon filnogud.

Provebs 10:18

Man heitem haed nara man, hemi mas laea, krangge man, tokspoelem nara man.

Provebs 25:9

Sapos yu raoa wetem wantok, yu no tokabaotem samting wetem nara man.

Provebs 26:24

Man hu hemi heitem yu, hem mekem naes toktok fo haedem ravis plan.

Provebs 26:26

Maet hemi haedem nogud tingting, bat olketa bae lukim ravis wei blong hem.

Eklesiastes 7:9

Hemi nogud fo yu kros kuiktaem, bikos hem nao wei blong krangge man.

Matiu 18:15

An Jisas hemi sei moa, “Sapos brata blong yu hemi duim enisamting agensim yu, yu mas go lukim hem, mekem yutufala stretem disfala samting long yutufala seleva. Sapos hemi wiling fo herem wanem yu talem, oraet, yu bin helpem brata blong yu fo yutufala stapgud moa ya.

Efesas 4:26

“Sapos yufala filkros, yufala mas no letem kros blong yufala fo mekem yufala duim wanem hemi rong.” Yufala mas no gohed fo kros kasem taem san hemi godaon.

Efesas 4:31

Yufala mas lusim evri wei fo tingting nogud abaotem eniwan, an fo tingting fo spoelem eniwan, an fo kros long eniwan. An yufala mas lusim evri wei fo raoa, an fo toksuea, an fo garem enikaen nogud filing fo nara man.

1 Jon 2:11

Bat eniwan hu hemi heitem narafala Kristin, hemi no stap long laet. Hemi wakabaot long tudak an hemi no save wea nao hemi go long hem, bikos tudak hemi mekem hem blaen nao.

1 Jon 2:9

Eniwan hu hemi talem dat hemi falom wei blong tru laet, bat hemi heitem narafala Kristin, hemi barava stap yet long tudak.

1 Jon 3:10

So wei blong man nao bae hemi somaot sapos hemi pikinini blong God o hemi pikinini blong Seitan. Bikos eniwan hu hemi no duim wanem hemi stret an hemi no lavem narafala Kristin, hemi no pikinini blong God nao.

1 Jon 3:12

So yumi mas no olsem Kein hu hemi blong Seitan an hemi kilim dae brata blong hem Ebol. ?An waswe nao Kein hemi kilim dae brata blong hem? Hemi kilim hem dae bikos wei blong hem seleva hemi nogud, bat wei blong brata blong hem hemi stret fogud.

1 Jon 3:15

Eniwan hu hemi heitem brata blong hem, hemi semsem olsem man hu hemi kilim dae nara man nao ya. An yumi save finis, man hu hemi kilim dae nara man, hemi nating garem disfala tru laef wea hemi no save finis.