2 Samuel 13:21 - Pijin Bible

²¹ Taem Deved hemi herem samting ya, hemi barava kros tumas, bat bikos Amnon hemi fasbon pikinini an Deved hemi fevarem hem, hemi no talem enisamting fo mekem Amnon filnogud.

Pijin Deuterocanon

²¹ Taem Deved hemi herem samting ya, hemi barava kros tumas, bat bikos Amnon hemi fasbon pikinini an Deved hemi fevarem hem, hemi no talem enisamting fo mekem Amnon filnogud.

2 Samuel 13:21 Iomraidhean Croise

Jenesis 35:22

Taem olketa stap long ples ya, Ruben hemi go slip wetem slev woman ya olketa kolem Bilha, wea hemi narafala woman blong dadi blong hem Israel. An taem dadi blong hem hemi herem nius ya hemi barava kros fogud. Nao Jekob ya hemi garem tuelfala pikinini boe.

2 Samuel 12:10

Long wei wea yu go tekem woman ya, yu spoelem mi. Dastawe oltaem samfala long olketa wea i bon kam long laen blong yu, bae i dae long faet.

2 Samuel 12:5

Den king hemi barava kros tumas long risman ya, an hemi tok olsem, “Olsem Yawe hemi laef, mi toktru long yu, datfala risman wea hemi duim samting ya, hem fitim fo hemi dae.

2 Samuel 13:20

Taem brata blong hem Absalom hemi lukim, hemi ask olsem, “?Waswe, brata blong yu, Amnon hemi fosim yu fo slip wetem hem ya? Man ya hemi wanfala brata blong yumitufala ya, so hemi gud fo yu stap kuaet.” Den Tama hemi go stap long haos blong Absalom, brata blong hem. Bat hemi filnogud tumas, an hemi stap seleva long ples ya.

2 Samuel 13:22

Bat Absalom hemi heitem Amnon, an hemi no toktok long hem, bikos hemi bin spoelem sista blong hem.

Sams 101:8

Lod Yawe, evri de bae mi spoelem finis olketa nogud pipol long kantri blong mifala ya. Ya, bae mi giraotem evriwan hu i duim evri nogud samting from disfala taon blong yu.

1 Samuel 2:29

?Bat waswe nao yufala nating tinghevi long olketa sakrifaes wea olketa pipol mekem long mi? ?Waswe nao yu tinghae long tufala san blong yu winim wei wea yu tinghae long mi? Hem nao wanem yu duim taem yu letem tufala fo kamap fat tumas bikos olketa tekemaot olketa bes mit blong olketa sakrifaes.