2 Samuel 12:25 - Pijin Bible

²⁵ so hemi talem Profet Natan fo hemi givim nem long hem Jedidaea.

Pijin Deuterocanon

²⁵ so hemi talem Profet Natan fo hemi givim nem long hem Jedidaea.

2 Samuel 12:25 Iomraidhean Croise

2 Samuel 12:24

Nao King Deved hemi toktok fo strongim tingting blong waef blong hem Batseba. Den Deved hemi go slip tugeta wetem hem. Woman ya hemi babule, an hemi bonem wanfala boe wea hemi kolem hem Solomon. Oraet, Yawe hemi lavem pikinini ya,

2 Samuel 12:26

Long datfala taem, Joab an ami blong hem i gohed fo faetem ami blong Raba, disfala taon wea hemi kapitol blong kantri long Amon. Nao hemi tekova finis long strongfala sefples blong king.

2 Samuel 7:4

Bat long datfala naet, Yawe hemi tok olsem long profet,

1 Kings 1:11

Den Profet Natan hemi go lukim Batseba, mami blong Solomon. Hemi sei olsem, “!Batseba! ?Ating yu herem o nomoa? Adonaeja, san blong Hagit, hemi kamap king. An King Deved hemi nating save long samting ya.

1 Kings 1:23

Olketa talem King Deved wea profet hemi kam, an hemi go insaet long bedrum blong king, an hemi baodaon long hem go-go fes blong hem hemi kasem graon.

1 Kings 1:8

Bat Prist Sadok, an Benaea, an Profet Natan, an Simei, an Rei, an olketa sekiuriti blong King Deved, olketa evriwan i no saet wetem hem.

1 Kings 4:5

Asaraea, san blong Natan, hemi bikman long olketa gavna wea i lukaftarem olketa provins. Sabud, san blong Natan, hemi wanfala prist an advaesa blong king.

1 Kronikols 22:9

Bat bae yu garem wanfala san. An disfala san bae hemi save stap kuaet an garem piis. An bae mi no letem eni enemi blong hem fo spoelem Israel. An evriwan long Israel bae garem gudfala laef an save stap kuaet tu. So nem blong hem bae hemi Solomon.

1 Kronikols 3:5

Long datfala taem, hemi garem plande pikinini moa. Waef blong hem, Batseba hu hemi dota blong Amiel, hemi bonem fofala san wea nem blong olketa: Simea, an Sobab, an Natan, an Solomon.

Nehemaea 13:26

An mi tok olsem long olketa, “Bifoa, olketa kaen woman aotsaet nao i lidim Solomon hu hemi king blong Israel fo mekem sin. Solomon ya hemi king wea hemi hae tumas winim evri king long olketa narafala kantri, an God hemi lavem hem tumas. God hemi mekem hem kamap king ovarem evri laen blong Israel. Bat nomata olsem, hemi foldaon long ravis wei ya from olketa hiden woman.

Matiu 17:5

Taem Pita hemi toktok yet, wanfala klaod wea hemi saen tumas hemi kam kolsap antap long olketa nao. An olketa herem toktok wea hemi kamaot long klaod ya wea hemi sei, “Hem ya nao barava San blong mi wea mi lavem hem tumas an mi hapi tumas long hem. !Yufala mas heremgud wanem hemi talem!”

Matiu 3:17

An long semtaem tu, toktok hemi kamdaon long heven wea hemi sei, “Hem ya nao barava San blong mi wea mi lavem tumas, an mi hapi tumas long hem.”

Diutronomi 33:12

Traeb blong Benjamin, Yawe hemi barava lavem yufala. Yufala save stap kuaet wetem hem. Hemi stap wetem yufala long olketa hil blong yufala, an hemi gadem yufala olowe.