2 Samuel 12:17 - Pijin Bible

¹⁷ Olketa bikman long haos blong hem i trae mekem hem getap, bat hemi les, an hemi no kaikai wetem olketa tu.

Pijin Deuterocanon

¹⁷ Olketa bikman long haos blong hem i trae mekem hem getap, bat hemi les, an hemi no kaikai wetem olketa tu.

2 Samuel 12:17 Iomraidhean Croise

Jenesis 24:2

Nao hemi kolem wanfala long olketa wakaman blong hem hu hemi olo moa winim olketa narafala wakaman blong hem, an hu hemi bos long olketa samting blong hem, nao hemi tok olsem long hem, “Mi laekem yu fo go an lukaotem kam wanfala gele fo maritim san blong mi Aesak. Yu putum han blong yu andanit long lek blong mi an yu mekem promis. Yawe hemi God long heven an long wol, an mi laekem yu fo talem nem blong hem, an yu mas promisim bae yu no siusim wanfala gele long hia long Kenan, mekem san blong mi ya hemi maritim. Yu mas promisim bae yu gobaek long kantri wea mi bon kam long hem ya, an bae yu go lukim olketa long laen blong mi wea olketa stap yet long ples ya. Yu mas siusim dota blong wanfala long olketa, mekem san blong mi ya hemi maritim.”

Jenesis 37:35

Olketa narafala pikinini boe blong hem, wetem olketa dota blong hem olketa kam an trae fo mekem hem filgud moa, bat hemi no save filgud moa nao, hemi gohed fo tok olsem, “Bae mi gohed fo sore long pikinini blong mi go-go kasem taem wea mi dae.” So hemi gohed fo krae fo pikinini blong hem ya.

2 Samuel 12:18

Long mekseven de nao, pikinini ya hemi dae. Bat olketa bikman blong Deved i fraet fo go talem hem. An olketa tok tugeta olsem, “Taem pikinini ya hemi laef yet, yumi toktok long hem, bat hemi no herem. !Sapos yumi go talem hem olsem pikinini ya hemi dae, maet hemi spoelem hem seleva nomoa!”

2 Samuel 3:35

Long de ya, olketa traehad fo mekem king hemi kaikai. Bat hemi bin mekem wanfala strong promis olsem, “!Bae mi no save kaikaim bred o enisamting moa go-go san hemi godaon! !Letem God hemi panisim mi nogud, sapos mi brekem disfala promis blong mi!”

Sams 102:4

Bodi blong mi hemi godaon fo bon nating olsem gras wea hemi drae finis. An mi les fo kaikai nao.

Daniel 6:18

King hemi gobaek long haos blong hem, an long naet ya hemi nating slip an hemi nating kaikai. An hemi nating laekem nomoa eniwan fo mekem hem hapi.

1 Samuel 28:23

Bat Sol hemi les, an hemi tok olsem, “Bae mi no kaikai.” Nao tufala wakaman blong hem wetem woman ya, trifala tokstrong long hem. So hemi lisin long olketa, an hemi getap from graon an hemi go sidaon long bed.