2 Samuel 12:12 - Pijin Bible

¹² Yu bin durong long ples wea hemi haed, bat bae mi mekem wantok blong yu fo durong long klia ples nomoa, mekem evriwan blong Israel i lukim.’”

Pijin Deuterocanon

¹² Yu bin durong long ples wea hemi haed, bat bae mi mekem wantok blong yu fo durong long klia ples nomoa, mekem evriwan blong Israel i lukim.’”

2 Samuel 12:12 Iomraidhean Croise

2 Samuel 16:22

So olketa putum wanfala haostent fo Absalom antap long ruf blong haos blong king, long ples wea olketa blong Israel i save lukim. Den Absalom hemi go insaet long haostent ya fo slip wetem olketa narafala woman blong dadi blong hem.

Stori abaotem Job 31:10

oraet, letem waef blong mi kamap olsem wakamere blong narafala man an slip wetem hem nao.

Stori abaotem Job 34:22

No eniples hemi barava tudak, wea hemi fitim fo olketa man nogud go haed long hem, mekem God hemi no save lukim olketa.

Eklesiastes 12:14

God bae hemi jajem yumi evriwan falom evri gudfala samting, an evri nogud samting wea yumi bin duim. An nomata olketa samting wea yumi duim haed, bae hemi jajem yumi long hem tu.

1 Korin 4:5

So yufala mas no jajem pipol, bikos hemi no taem fo God hemi jajem olketa yet. Yufala mas wetem Masta fo bae hemi kam fastaem. Hem nao bae hemi mekem olketa samting wea i staphaed long tudak fo i kamaot long delaet, an bae hemi mekem evri tingting blong olketa pipol i kamap klia. Long taem ya nao, bae God hemi save mekhae long olketa pipol, fitim wei blong olketa.