2 Samuel 11:21 - Pijin Bible

²¹ ?Ating yufala nating tingabaotem wei wea bifoa olketa bin kilim dae Abimelek, san blong Gidion? Hemi dae long taon long Tebes taem wanfala woman hemi stap antap long wolston, an hemi torowem go wanfala ston fo krasim wit, an ston ya i kilim dae Abimelek. ?Waswe nao yufala go kolsap tumas long wolston ya?’ Sapos king hemi tokstrong olsem long yu, bae yu tok olsem long hem, ‘Soldia blong yu ya, Yuraea, hem tu hemi dae.’ ”

Pijin Deuterocanon

²¹ ?Ating yufala nating tingabaotem wei wea bifoa olketa bin kilim dae Abimelek, san blong Gidion? Hemi dae long taon long Tebes taem wanfala woman hemi stap antap long wolston, an hemi torowem go wanfala ston fo krasim wit, an ston ya i kilim dae Abimelek. ?Waswe nao yufala go kolsap tumas long wolston ya?’ Sapos king hemi tokstrong olsem long yu, bae yu tok olsem long hem, ‘Soldia blong yu ya, Yuraea, hem tu hemi dae.’ ”

2 Samuel 11:21 Iomraidhean Croise

2 Samuel 11:17

An taem olketa soldia blong taon ya i kamaot fo faetem Joab an ami blong hem, samfala soldia blong King Deved i dae, an Yuraea tu hemi dae.

2 Samuel 11:20

maet hemi kros, an maet hemi askem yu olsem, ‘?Waswe nao yufala go kolsap tumas long taon ya fo faetem olketa? ?Yufala no save dat olketa long wolston blong taon bae sutim yufala long olketa bou blong olketa?

2 Samuel 11:22

Den man ya hemi go lukim king, an hemi talemaot evri toktok wea Joab hemi talem long hem.

2 Samuel 3:27

Taem Abna hemi kam kasem ples ya, Joab hemi tekem hem go long geit blong bikfala wolston blong taon. Hemi mekem hemi luk olsem hemi laekem tok kuaet wetem hem seleva. An long ples ya nao, hemi holem naef, an busarem Abna long bele blong hem an kilim hem dae. Hemi duim samting ya bikos Abna hemi bin kilim dae brata blong hem Asahel.

2 Samuel 3:34

Olketa no taengem han an lek blong yu, olsem man fo brekem lo. !Bat yu bin dae olsem man wea olketa ravis man i kilim hem!” Nao olketa pipol i krae moa fo hem.

Sams 39:8

Plis yu sevem mi from paoa blong olketa sin blong mi, an no letem olketa krangge pipol fo mekfan long mi.

Aesaea 14:10

Olketa ya i singaot an mekfan long yu olsem, ‘!Distaem yu wik nao olsem mifala! !Yumi evriwan i semsem nao!

Jajis 6:32

So, stat long datfala taem, Joas hemi kolem Gidion long narafala nem olsem Jerub-Baal, wea hemi minim, “Letem Baal sensimbaek” bikos Gidion nao hemi brekemdaon datfala olta blong Baal.

Jajis 7:1

Nao Jerub-Baal, hu hemi Gidion, wetem olketa soldia blong hem i getap long eli moning an olketa go fo stap kolsap long springwata long Harod. Olketa stap kolsap long hil wea olketa kolem Gilead. An ami blong Midian hemi stap long narasaet long bikfala flat ples long Jesreel long not, kolsap long wanfala hil wea nem blong hem nao More. Yawe hemi tok olsem long hem, “Gidion. Ami blong yu hemi bik tumas, mi no save yusim olketa fo winim ami blong Midian. Sapos olketa win, bae olketa tingse olketa nao win long paoa blong olketa seleva nomoa. An bae olketa no save tinghae long mi. Yu mas tok olsem long evriwan, ‘!Olketa! !Sapos samfala long yufala i fraet tumas, olketa ya save gobaek long ples blong olketa!’” So taem Gidion hemi tok olsem long evriwan, 22,000 man nao i gobaek long ples blong olketa, 10,000 nomoa i stap wetem hem.