2 Samuel 10:15 - Pijin Bible

¹⁵ Taem ami blong Aram i lukim dat ami blong Israel i winim olketa, olketa kolem olketa soldia blong olketa fo kam tugeta.

Pijin Deuterocanon

¹⁵ Taem ami blong Aram i lukim dat ami blong Israel i winim olketa, olketa kolem olketa soldia blong olketa fo kam tugeta.

2 Samuel 10:15 Iomraidhean Croise

2 Samuel 10:14

An taem olketa soldia blong Amon i lukim dat olketa soldia blong Aram i gohed fo ranawe, olketa tu i ranawe from Abisae, an olketa go insaet long taon blong olketa moa. Bihaen, Joab hemi no faetem moa ami blong Amon, hemi gobaek long Jerusalem.

2 Samuel 10:16

An King Hadadesa hemi sendem toktok go fo kolem kam olketa soldia blong Aram wea olketa stap long narasaet long Yufretis Riva. So olketa kam long ples long Helam. Sobak, komanda blong olketa soldia blong King Hadadesa, hemi gohed fo lidim olketa.

2 Samuel 8:3

Taem Deved hemi go faetem olketa kolsap long Yufretis Riva fo mekem olketa kam andanit long paoa blong hem moa, hemi winim King Hadadesa, san blong Rehob, hu hemi king long Soba.

Sams 2:1

?Waswe nao olketa long olketa narafala kantri i kros tumas? ?Waswe nao olketa pipol ya i planem enikaen krangge samting?

Hibrus 11:34

an olketa kilim faea wea i bone bik tumas, an olketa naef fo faet blong enemi hemi no save kasem olketa. Nomata olketa wik tumas fastaem, olketa i strong go moa bihaen, an olketa strong tumas long olketa faet, an olketa winim olketa ami blong olketa narafala kantri.

Josua 11:1

Taem Paramaon Sif Jabin blong taon long Hasoa hemi herem nius wea Josua wetem ami blong Israel i tekova finis long plande ples, hemi sendem go toktok long Paramaon Sif Jobab blong taon long Madon, an long paramaon sif blong taon long Simron, an paramaon sif blong taon long Aksaf.

Josua 11:5

Evri paramaon sif ya i kam tugeta an mekem wanfala ami. Olketa mekem olketa haostent blong olketa kolsap long wanfala wata wea olketa kolem Marom, an mekredi fo faetem Josua an ami ya blong Israel.