2 Samuel 1:6 - Pijin Bible

⁶ Hemi ansa olsem, “Mi bin stap long hil long Gilboa, an mi lukim dat king hemi barava filnogud tumas, hemi holem spia blong hem fo no foldaon. An mi lukim dat olketa kaat fo faet blong olketa enemi blong yumi, wetem olketa soldia wea i ran long hos, olketa gohed fo hipap kam raonem hem.

Pijin Deuterocanon

⁶ Hemi ansa olsem, “Mi bin stap long hil long Gilboa, an mi lukim dat king hemi barava filnogud tumas, hemi holem spia blong hem fo no foldaon. An mi lukim dat olketa kaat fo faet blong olketa enemi blong yumi, wetem olketa soldia wea i ran long hos, olketa gohed fo hipap kam raonem hem.

2 Samuel 1:6 Iomraidhean Croise

2 Samuel 1:21

!Olketa hil blong Gilboa! !Letem no eni ren o diu hemi foldaon long yufala! !Letem olketa gaden long Gilboa kamap barava drae! Sil blong tufala strongfala soldia ya i kamap nogud nao. Ya, no eniwan i redim sil blong King Sol fo hemi yusim long faet.

2 Samuel 1:5

An Deved hemi askem hem moa olsem, “?Hao nao yu save dat King Sol wetem Jonatan, tufala dae?”

2 Samuel 1:7

Hemi taneraon, an lukim mi, an hemi kolem mi, so mi ansarem hem olsem, ‘!Ya, king!’

Gudnius abaotem Jisas Kraes wea Luk hemi raetem 10:31

Nao bihaen nomoa, wanfala prist hemi wakabaot kam falom rod ya, an taem hemi lukim man ya, hemi katkros go long narasaet long rod.

Stori abaotem Rut 2:3

So hemi wakabaot go, an hemi gotru long gaden blong wanfala man, nao hemi stap bihaen long olketa wakaman, an hemi gohed fo pikimap samfala bali wea olketa lusim. Gaden ya hemi blong Boas hu hemi wanfala man long famili blong Elimelek, bat Rut hemi no save nomoa olsem gaden ya hemi blong hu.

1 Samuel 28:4

Oraet, ami blong Filistia i kam an putumap olketa haostent blong olketa kolsap long taon long Sunem. King Sol hemi mekem olketa soldia blong Israel fo kam tugeta an putumap olketa haostent blong olketa long maonten long Gilboa.

1 Samuel 6:9

Oraet, yufala mas lukluk long tufala fo save sapos tufala karim Tambu Boks ya go stret long taon long Bet-Semes long kantri blong hem. Sapos hem olsem, hem nao hem minim wea Yawe hemi spoelem yumi. Bat sapos tufala no go stret long ples ya, hem minim i no God blong olketa wea i sendem disfala bikfala trabol long yumi, bat hem badlak nomoa.”