2 Korin 3:1 - Pijin Bible

¹ ?Waswe, yufala tingse mifala trae fo haemapem mifala seleva moa? Nomoa. Mifala no olsem samfala pipol wea olketa mas garem leta fo talemaot dat olketa nao barava wakaman blong God. Mifala no nidim eni leta from yufala o from eniwan.

Pijin Deuterocanon

¹ ?Waswe, yufala tingse mifala trae fo haemapem mifala seleva moa? Nomoa. Mifala no olsem samfala pipol wea olketa mas garem leta fo talemaot dat olketa nao barava wakaman blong God. Mifala no nidim eni leta from yufala o from eniwan.

2 Korin 3:1 Iomraidhean Croise

Aposol 18:27

Nao bihaen, taem Apolos hemi wande fo katkros go long provins long Akaea, olketa Kristin long Efesas olketa helpem hem nao. Olketa raetem leta go long olketa Kristin long Akaea fo talem olketa fo lukaftarem hem gudfala. An taem Apolos hemi kasem Akaea, hemi helpem tumas olketa pipol wea God hemi bin somaot kaenfala lav blong hem fo olketa mekem olketa biliv.

Leta wea Pol hemi raetem go long sios long Rom 16:1

Disfala sista blong yumi Fibi hu hemi waka fo helpem olketa pipol long sios long Senggria, hemi gudfala woman tumas ya.

1 Korin 10:33

Yufala mas falom wei blong mi ya. Oltaem mi trae fo mekem evri pipol olketa save hapi long olketa wei blong mi. Mi no tingim mi seleva ya, bat mi tingim olketa nara pipol fo helpem olketa, mekem God hemi save sevem olketa.

1 Korin 16:3

Nao taem mi kam kasem yufala, bae yufala mas siusim samfala man fo tekem koleksin blong yufala go long Jerusalem ya. An bae mi nao mi givim wanfala leta long olketa an mi sendem olketa go.

1 Korin 3:10

God hemi givim kam paoa long mi fo mi stap olsem nambawan kapenta blong haos, wea mi bin putum kam faondesin blong yufala finis. An nara man nao hemi gohed fo bildim antap long diswan. Bat evriwan nao hemi mas lukaot, mekem hemi bildim gudfala.

1 Korin 4:15

Nomata sapos yufala garem 10,000 pipol fo tisim yufala long wei blong Kraes, wanfala man nomoa hemi olsem dadi blong yufala. Mi tekem kam disfala Gudnius long yufala ya, mekem mi nao mi kamap olsem dadi blong yufala long saet blong Jisas Kraes.

2 Korin 10:12

Nao olketa pipol hu i tinghae tumas long olketa seleva, mifala no laek fo sei mifala wankaen wetem olketa o mifala gudfala winim olketa. Nomoa. Bat olketa falom tingting blong olketa seleva taem olketa skelem wei blong olketa seleva. !Olketa krangge tumas ya!

2 Korin 10:18

Man wea Masta hemi tinghae long hem, hem nao God hemi laekem, i no man wea hemi tinghae long hem seleva.

2 Korin 10:8

Masta hemi givim mifala paoa fo strongim biliv blong yufala, an hemi no fo daonem yufala. An nomata mi tokpraod lelebet abaotem disfala paoa, mi no save filsem long diswan.

2 Korin 12:11

Mi tok olsem wanfala krangge man nao, bat yufala stap kuaet nomoa, so mi seleva mi mas tok olsem. Hemi fitim fo yufala nao tokabaotem gudfala waka blong mi. Bikos mi no tingim dat mi samting nating an olketa wea yufala kolem olketa nambawan aposol i gudfala winim mi.

2 Korin 12:19

Maet yufala tingse mifala raetem olketa samting ya fo somaot dat mifala no duim enisamting rong. !Nomoa ya! Mifala talem olketa samting long wei wea Kraes hemi laekem mifala fo duim long ae blong God. Olketa fren, evrisamting wea mifala bin raetem, mifala raetem fo strongim biliv blong yufala.

2 Korin 2:17

Mifala no olsem plande nara pipol wea olketa talemaot toktok blong God bikos olketa laek fo winim seleni. Nomoa. God nao hemi siusim mifala, an mifala toktru olowe long ae blong hem. Bikos mifala stap joen wetem Kraes, mifala talemaot toktok blong hem olsem wakaman blong God.

2 Korin 5:12

Mifala no trae fo haemapem mifala seleva moa, bat mifala laek fo som nomoa samting mifala bin duim, mekem yufala save praod long mifala. Olsem, yufala garem samting fo talem long olketa pipol hu i save tokpraod abaotem wanem man save lukim nomoa bat olketa no wari abaotem wei blong olketa.