1 Timoti 6:9 - Pijin Bible

⁹ Hemi isi nomoa fo olketa pipol hu i laek fo garem plande samting fo gorong tumas ya. Olketa save gorong long enikaen krangge samting an enikaen ravis samting wea olketa laekem. An bae olketa samting ya i save pulum olketa, go-go laef blong olketa hemi barava nogud an bae God hemi panisim olketa.

Pijin Deuterocanon

⁹ Hemi isi nomoa fo olketa pipol hu i laek fo garem plande samting fo gorong tumas ya. Olketa save gorong long enikaen krangge samting an enikaen ravis samting wea olketa laekem. An bae olketa samting ya i save pulum olketa, go-go laef blong olketa hemi barava nogud an bae God hemi panisim olketa.

1 Timoti 6:9 Iomraidhean Croise

1 Kings 21:6

An hemi ansa olsem, “Bikos mi askem Nabot fo salem plantesin blong hem, o letem mi sensim hem long narafala plantesin. Bat hemi sei wea hemi no save givim long mi.”

Sams 11:6

Bae hemi sendem kamdaon faea wetem olketa hot ston, fo bonem olketa ya finis. An bae hemi panisim olketa long win wea hemi barava hot fogud.

Provebs 15:27

Man hemi gridi, hemi mekem trabol kasem famili. Man hemi les fo tekem nila, bae hemi laef.

Provebs 20:21

Fastaem, man garem seleni an staka gud samting kuiktaem, bihaen, i spoelem hem.

Provebs 21:6

Bikfala seleni wea man garem long laea toktok, hemi lelebet smok nomoa an man save dae long hem.

Provebs 22:16

Wanfala man mekful long puaman fo kamap ris, narafala man givim presen long risman, tufala evriwan save lus.

Provebs 23:4

Nogud yu hadwaka tumas fo kamap risman. Sapos yu waes bae yu no save waka olsem.

Aesaea 5:8

(Profet) !Sore tumas long yufala hu i selfis tumas! Yufala laekem nomoa fo onam plande haos an plande graon mekem olketa narafala pipol no save garem eni ples fo stap long hem, bat bae yufala seleva nomoa i stap long hem. Disfala wei ya hemi barava nogud tumas.

Sekaraea 11:5

Olketa pipol wea i peim an busarem olketa sipsip bae i no save panis fo hem. An olketa wea i salem olketa sipsip ya, olketa tok olsem, ?!Tengkiu long Yawe! !Distaem mi kamap risman nao!? An olketa man fo lukaftarem olketa sipsip ya tu i nating sore long olketa.

Nambas 31:8

An long datfala taem olketa kilim dae faefala sif blong pipol blong Midian, wea nem blong olketa nao, Sif Evi, an Sif Rekem, an Sif Sua, an Sif Hua, an Sif Reba. An olketa kilim dae tu Balam, san blong Beo.

Matiu 13:22

An olketa sid wea olketa foldaon long ples wea rut blong nilagras hemi stap long hem, hemi olsem taem man hemi herem toktok ya bat hemi gohed fo wari nomoa abaotem enikaen samting an hemi lavem tumas olketa risis blong disfala wol. So toktok ya hemi no save grou an hemi no garem eni frut long hem.

Matiu 19:22

Bat man ya hemi garem plande samting tumas ya, so taem hemi herem disfala toktok nomoa, hemi sore fogud an hemi lusim Jisas nao.

Matiu 26:15

An hemi askem olketa olsem, “?Sapos mi givim Jisas go long han blong yufala, wanem nao bae yufala givim long mi?” Nao olketa kaontem tetifala seleni an olketa givim long hem.

Matiu 6:19

An Jisas hemi sei moa, “Yufala mas no hipimap olketa risis blong yufala long disfala wol. Bikos olketa kokoros an rasta i save spoelem nomoa, an olketa man fo stil olketa save brekem haos fo stilim risis ya tu.

Gudnius abaotem Jisas Kraes wea Mak hemi raetem 4:19

bat olketa wari tumas abaotem enikaen samting. An olketa lavem tumas tu olketa risis blong disfala wol, an olketa kavetem enikaen narasamting moa. So toktok ya hemi no save grou an hemi no garem eni frut long hem.

Gudnius abaotem Jisas Kraes wea Luk hemi raetem 12:21

An Jisas hemi tok olsem nao, “Hemi olsem tu ya fo eniwan hu hemi hipimap olketa risis fo hem seleva nomoa, bat long saet blong God hemi nating garem enisamting.”

Gudnius abaotem Jisas Kraes wea Luk hemi raetem 21:35

olsem animol hemi save sek taem hemi pas insaet long trap. Bikos bae disfala de hemi kam kasem evriwan long disfala wol ya.

Aposol 8:20

Bat Pita hemi tokstrong long hem olsem, “?Yu tingse seleni blong yu hemi save peim wanem God hemi givim fri long olketa pipol? !Bae yu go lus long hel wetem olketa seleni blong yu ya!

Efesas 4:22

Olketa tisim yufala fo lusim disfala olfala ravis wei wea yufala bin falom long laef blong yufala. Olfala wei ya hemi lidim yufala fo duim enikaen ravis samting, an diswan hemi save spoelem yufala.

Diutronomi 7:25

An bae yufala mas bonem olketa tambu kaving blong olketa. Olketa silva an gol wea hemi stap long olketa kaving ya, yufala mas no kavetem o kipim, bat yufala mas bonem. Olketa samting ya i barava nogud tumas long Yawe, God blong yufala. Yufala mas no kipim bikos hemi olsem trap fo kasholem yufala.

1 Timoti 1:9

An yumi save tu dat olketa lo ya olketa no stap fo stretem olketa gudfala pipol ya, bat fo stretem olketa pipol hu i brekem olketa lo an olketa hu i mekem trabol olowe. Hemi fo stretem wei blong olketa pipol hu i no falom God, an olketa hu i stap long wei blong sin, an olketa hu i tokdaonem God an olketa narasamting moa wea hemi holi. Hemi fo stretem olketa hu i kilim dae mami o dadi blong olketa, an olketa hu i kilim dae eni nara man moa.

1 Timoti 3:7

Bat wanfala man wea olketa pipol hu i no blong sios olketa tinghae long hem, hem nomoa hemi fit fo kamap lida. Sapos olsem, bae hemi no sem, an hemi no save foldaon long trap blong Seitan.

1 Timoti 6:10

Enikaen ravis samting nao hemi save kamaot long diskaen wei fo lavem seleni tumas. Samfala pipol hu i laekem seleni tumas, olketa gorong finis long biliv blong olketa nao, an olketa mekem olketa seleva fo filnogud tumas.

1 Timoti 6:17

Olketa pipol hu i garem plande risis long wol ya, yu mas talemaot strong long olketa fo olketa mas no praod tumas. Olketa mas no putum trast blong olketa long olketa samting wea hemi save lus enitaem, bat olketa mas putum trast blong olketa long God nomoa. Hem nao hemi save givim kam evri gudfala samting fo mekem yumi stap hapi.

2 Timoti 2:26

Seitan nao hemi holem olketa strong ya, an hem nao hemi mekem olketa fo duim wanem hemi laekem. Bat sapos olketa stat fo save long tru toktok, bae tingting blong olketa hemi save kamap gudfala moa, an bae olketa save ranawe from Seitan.

Taetas 2:12

Kaenfala lav blong God ya, hemi tisim yumi fo lusim olketa wei wea hemi no stret long ae blong God, an fo no falom olketa ravis tingting blong disfala wol. Yumi mas somaot barava gudfala wei long laef blong yumi, an yumi mas duim evrisamting wea hemi stret an hemi mekem God hapi long yumi.

Josua 7:11

!Yufala sin nao ya! Yufala bin brekem finis agrimen wea mi bin mekem wetem yufala, an mi bin talem yufala fo obeim. An yufala stilim finis samfala long olketa samting wea i tambu.

2 Pita 2:3

An bikos olketa laea tisa laekem seleni tumas, bae olketa mekem enikaen laea tising fo tekem seleni blong yufala. Bat God hemi jajem olketa wei olsem finis, ya longtaem nao hemi jajem finis olketa laea tisa ya. Hemi redi olowe nomoa fo panisim olketa.

Jiud 1:11

!Sore tumas long olketa! Olketa nao falom ravis wei blong Kein bifoa. An olketa olsem Profet Balam, wea olketa gohed fo talem olketa laea bikos olketa laek fo tekem seleni tumas. An olketa go agensim God olsem Kora hemi duim long bifoa. So bae olketa kamap nogud tumas tu olsem Kora ya.