1 Timoti 6:4 - Pijin Bible

⁴ Olketa pipol ya, olketa no save long enisamting nomoa ya, bat olketa praod tumas an oltaem olketa garem nogud tingting fo raoa abaotem enikaen toktok. Diswan hemi mekem olketa pipol fo joles an fo faet an fo tok nogud abaotem nara man, an fo tingting nogud abaotem olketa.

Pijin Deuterocanon

⁴ Olketa pipol ya, olketa no save long enisamting nomoa ya, bat olketa praod tumas an oltaem olketa garem nogud tingting fo raoa abaotem enikaen toktok. Diswan hemi mekem olketa pipol fo joles an fo faet an fo tok nogud abaotem nara man, an fo tingting nogud abaotem olketa.

1 Timoti 6:4 Iomraidhean Croise

Provebs 13:7

Samfala talem dat olketa ris, bat olketa nating garem enisamting. Samfala talem dat olketa pua, bat olketa garem plande samting.

Provebs 25:14

Man promis fo givim samting, bat hemi no givim, hemi olsem klaod wetem laea ren.

Provebs 26:12

Sapos yu lukim man hu hemi talem dat hemi smat, oraet, krangge man hemi garem moa sans fo kasem save winim man ya.

Aesaea 58:4

Taem yufala lusim kaikai, yufala save kros kuiktaem tumas. An yufala save gohed nomoa fo raoa an fo faet tu. ?Waswe, yufala tingse diskaen wei fo lusim kaikai wetem kaen tingting olsem bae hemi save mekem mi laek fo lisin long olketa prea blong yufala? Nomoa nao.

Aposol 15:2

Pol an Banabas tufala barava nating agri wetem olketa, an tufala gohed fo tokstrong wetem olketa man ya nao. So olketa long sios long Antiok i siusim Pol an Banabas wetem samfala man moa, fo olketa go kasem Jerusalem an askem olketa aposol an olketa nara lida long sios abaotem diswan.

Aposol 18:15

Bat bikos diswan hemi wanfala raoa abaotem olketa toktok an olketa nem an olketa samting long lo blong yufala seleva nomoa, hemi gud fo yufala seleva nao yufala mas stretem. Mi no wiling fo jajem disfala kes fo yufala.”

Aposol 8:9

Nao long disfala taon ya, wanfala man nem blong hem Saemon nao hemi stap. Man ya hemi bin mekem olketa pipol long Samaria fo sapraes tumas long enikaen majik blong hem ya. Hemi save tokpraod tumas an hemi sei hem nao hemi wanfala bikman ya,

Leta wea Pol hemi raetem go long sios long Rom 12:16

Yufala mas stapgud wetem evriwan. Yufala mas no praod, bat yufala mas wiling fo frengud wetem olketa pipol hu i stap lou. An yufala mas no tingim yufala nao i save tumas.

Leta wea Pol hemi raetem go long sios long Rom 13:13

Yumi mas stap long gudfala wei olsem olketa pipol hu i stap long delaet. Yumi mas no mekem olketa ravis fist an gohed fo drang, an yumi mas no durong wetem eniwan o falom olketa nara ravis wei olsem. An yumi mas no raoa an yumi mas no joles.

Leta wea Pol hemi raetem go long sios long Rom 14:1

Yufala mas mekfren long man hu i no strong long biliv blong hem, an yufala mas no raoa wetem hem abaotem enikaen samting hemi tingim.

Leta wea Pol hemi raetem go long sios long Rom 2:8

Bat olketa pipol hu i tingim olketa seleva nomoa, an olketa no laekem wanem hemi barava tru, bat olketa falom nomoa olketa ravis wei, olketa ya nao bae God hemi barava kros long olketa an panisim olketa.

1 Korin 11:16

Sapos eniwan hemi laek fo raoa abaotem diswan, mi jes talem nomoa olsem, mifala wetem olketa sios blong God ya, mifala no garem eni nara wei fo falom.

1 Korin 11:18

Fas samting wea mi herem nius abaotem, hemi hao yufala divaed olobaot long olketa seksin taem yufala hipap fo prea. An mi biliv diswan hemi tru lelebet ya.

1 Korin 3:18

Yufala mas no tingting rong abaotem diswan. Sapos eniwan hemi tingse hemi waes long diskaen save blong wol, moabeta hemi kamap olsem krangge long wei blong wol fastaem, mekem bae hemi save kamap barava waes.

1 Korin 3:3

bikos wei blong yufala hemi wankaen yet wetem wei blong pipol blong wol. Taem yufala gohed fo joles an fo raoa olobaot, hemi soaot klia wea yufala blong wol yet an yufala falom wei blong hem.

2 Korin 11:20

Hemi tru, yufala hapi nomoa long olketa, nomata olketa pusum yufala olobaot o ravem yufala o trikim yufala o lukdaon long yufala o tokspoelem yufala.

Galesia 5:15

Bat sapos yufala gohed fo kros an fo faet olobaot nomoa long yufala seleva, yufala mas lukaot, nogud yufala spoelem yufala seleva finis.

Galesia 5:26

Yumi mas no praod an no mekem olketa narawan fo kros, an yumi mas no joles long olketa.

Galesia 6:3

An sapos wanfala man hemi tingse hemi bikman tumas, hemi trikim hem seleva nao bikos hemi man nating nomoa ya.

Filipae 1:15

Hemi tru dat samfala talemaot toktok abaotem Kraes bikos olketa joles long mi an olketa traehad fo mekem trabol nomoa. Bat nomata olsem, samfala moa i talemaot toktok abaotem Kraes bikos olketa garem stretfala tingting fo duim waka ya.

Filipae 2:14

Taem yufala gohed fo duim olketa samting, yufala mas no komplen o raoa abaotem.

Filipae 2:3

Yufala mas no tingim yufala seleva nomoa an no trae fo haemapem yufala seleva. Bat yufala mas hambol an tingim olketa nara pipol olsem olketa nao gudfala winim yufala.

Kolosi 2:18

Samfala man olketa praod tumas long olketa spesol drim blong olketa, an olketa tisim pipol fo putum olketa seleva daon an fo wosipim olketa enjel. Yufala no letem eni man olsem fo jajem yufala. Hemi praod nating from olketa tingting blong wol ya wea hemi no tru,

2 Tesalonaeka 2:4

Bae disfala man hemi agensim evrisamting wea pipol olketa gohed fo wosipim, wetem enikaen god blong olketa. An bae hemi mekem hem seleva fo bikfala winim moa evrisamting ya, an bae hemi go sidaon insaet long Tambuhaos blong God an talem dat hem seleva nao hemi God.

1 Timoti 1:4

Yu mas talem olketa fo no westem taem fo tokabaotem olketa kastom stori wea i nating tru an olketa longfala stori abaotem olketa laen blong olketa olo long bifoa. Olketa samting ya i mekem pipol fo raoa nomoa long toktok ya, an hemi no mekem pipol fo duim wanem God hemi planem fo olketa duim. Wei blong biliv nomoa hemi save helpem yumi fo falom plan blong God.

1 Timoti 1:7

Olketa laek fo kamap tisa long Lo blong Mosis, bat olketa no save minim wanem olketa seleva gohed fo talem. An olketa nating save tu long tising wea olketa tingse olketa savegud tumas long hem.

1 Timoti 3:6

Wanfala man hu hemi niufala Kristin hemi mas no kamap lida long sios. Nogud hemi save praod tumas, mekem God bae hemi panisim hem olsem hemi duim bifoa long Seitan.

2 Timoti 2:14

Yu mas gohed fo toktok long olketa pipol abaotem disfala samting ya. Long ae blong God yu tokstrong long olketa fo no raoa abaotem olketa toktok. Diskaen wei ya hemi nogud tumas, an hemi save spoelem olketa pipol hu i lisin go long olketa raoa olsem ya.

2 Timoti 2:23

Bat yu mas no lisin long olketa krangge toktok wea hemi no garem eni mining, bikos yu save finis olketa toktok olsem ya save mekem pipol fo raoa tumas.

2 Timoti 3:4

Bae olketa save spoelem olketa fren blong olketa an bae olketa no save wari long eniwan, an bae olketa enikaen tumas. Bae olketa laekem nomoa fo duim evrisamting fo mekem olketa seleva hapi long hem, bat olketa no save lavem God.

Taetas 3:9

Bat yu mas tanem baeksaet long enikaen krangge toktok, an long olketa stori abaotem olketa laen blong olketa olo long bifoa, an long enikaen faet o raoa abaotem mining blong Lo blong Mosis. Olketa toktok olsem hemi no garem eni gud samting long hem, an hemi nating save helpem eniwan.

Jemes 1:19

Olketa gudfala fren blong mi, yufala mas save long diswan. Yufala mas wiling fo lisin, an yufala mas no kuiktaem fo tok an no kuiktaem fo kros.

2 Pita 2:12

Bat olketa laea tisa ya, wande faet tumas olsem olketa wael animol wea hemi fitim fo olketa kilim olketa dae nomoa. Bikos olketa laea tisa ya i gohed nomoa fo tok nogud abaotem enikaen samting wea olketa no save long hem, olketa nara pipol nao bae olketa kilim dae olketa laea tisa ya.

2 Pita 2:18

Olketa gohed fo talem olketa praod toktok wea hemi krangge tumas. Olketa gohed fo toksuit mekem olketa pipol wande duim olketa samting blong wei blong sin. An from disfala wei nao, olketa save pulumbaek olketa pipol hu i trae fo lusim ravis wei blong olketa.

Jiud 1:10

Bat olketa pipol ya, olketa toknogud abaotem olketa samting wea olketa no minimgud. Bat wanem olketa minimgud nomoa, hemi wanem olketa wael animol nomoa olketa save, an diswan nao olketa gohed fo duim. Diskaen wei blong olketa nao bae hemi spoelem olketa finis.

Jiud 1:16

Olketa pipol ya, olketa i pipol fo toktok enikaen agensim nara pipol oltaem. Olketa save falom olketa ravis tingting blong olketa seleva an olketa save tokpraod tumas tu, an olketa save suitim olketa nara pipol fo helpem olketa seleva nomoa.

Revelesin 3:17

Yufala sei yufala barava ris fogud an yufala garem finis evrisamting yufala laekem. Bat yufala nating save nomoa, dat yufala pua tumas, an neket, an ae blong yufala tu hemi blaen. Hemi fitim fo olketa pipol fo sore long yufala, bikos evrisamting nao yufala sot long hem.