1 Timoti 6:3 - Pijin Bible

³ Samfala pipol stat fo tisim samting wea hemi deferen, an olketa no save falom barava tru tising blong Masta blong yumi Jisas Kraes wetem olketa tising blong sios.

Pijin Deuterocanon

³ Samfala pipol stat fo tisim samting wea hemi deferen, an olketa no save falom barava tru tising blong Masta blong yumi Jisas Kraes wetem olketa tising blong sios.

1 Timoti 6:3 Iomraidhean Croise

Provebs 15:4

Toktok fo mekem man strong, hemi liftimap laef blong man, bat olketa toklaea hemi mekem man filnogud.

Matiu 22:21

Nao olketa sei, “Bikfala King long Rom nao ya.” So Jisas hemi sei long olketa moa, “Sapos olsem, samting wea hemi blong bikfala King ya, yufala mas givim gobaek long hem. An samting wea hemi blong God, yufala mas givim gobaek long hem.”

Matiu 28:20

An yufala mas tisim olketa fo falom evrisamting wea mi bin talem long yufala. An bae mi nao mi stap wetem yufala olowe go-go kasem en long wol.”

Leta wea Pol hemi raetem go long sios long Rom 16:17

Mi talem strong long yufala olketa Kristin fren, yufala mas lukaot long olketa pipol hu i wande splitim sios an spoelem biliv blong yufala wetem tising wea hemi deferen long olketa tising wea yufala lanem finis. Yufala mas no lisin long olketa.

1 Tesalonaeka 4:8

Olsem, sapos eniwan hemi agensim disfala tising, hemi no agensim tingting blong man. Nomoa. Hemi agensim God hu hemi givim Holi Spirit blong hem long yufala.

1 Timoti 1:10

An hemi fo stretem olketa pipol hu i save durong wetem eniwan, an olketa hu i barava durong nogud, an olketa hu i save stilim pipol, an olketa hu i save talem laea olobaot, an olketa hu i save talem laea long kot, an olketa pipol hu i save duim enisamting moa wea hemi no falom gudfala tising.

1 Timoti 1:3

Olsem, mi talem strong long yu finis taem mi lusim yu fo go long provins long Masedonia, mi laekem yu fo stapbaek nomoa long taon long Efesas. Yu mas stap long ples ya, mekem yu stopem olketa pipol hu i gohed fo tisim olketa samting wea hemi falom laea tising.

1 Timoti 1:6

Samfala pipol lusim olketa wei olsem, an olketa gohed nao fo tokabaotem olketa samting nating nomoa.

2 Timoti 1:13

Yu mas falom gud olketa toktok wea yu herem long mi. Olketa toktok ya hemi olsem gudfala eksampol fo som yu gudfala wei fo tisim olketa pipol. An yu mas duim diswan wetem biliv an lav wea yumi garem from yumi stap joen wetem Jisas Kraes.

2 Timoti 4:3

Bikos bae yumi kasem taem olketa pipol no wande lisin long tru tising, bae olketa falom tingting blong olketa seleva nomoa. Bae olketa lukaotem olketa tisa olobaot, mekem olketa save herem nomoa tising wea olketa seleva laekem tumas fo herem.

Taetas 1:1

Mi Pol, mi wakaman blong God an aposol blong Jisas Kraes. Hemi sendem mi fo helpem olketa pipol wea God hemi siusim finis, mekem olketa biliv long hem an savegud long tru toktok. Tru toktok ya hemi mekem yumi falom laef wea hemi stret long ae blong God.

Taetas 1:9

Hemi mas holemstrong disfala tru tising wea yumi bin tisim hem. Sapos olsem, lida ya bae hemi fit fo tisim olketa pipol abaotem disfala tru tising, mekem tingting blong olketa kamap strong moa. An bae hemi save somaot tu olketa rong blong olketa pipol hu i agensim tru tising.

Taetas 3:8

Disfala toktok hemi barava tru tumas. Mi laekem yu fo gohed strong fo talemaot olketa tising olsem, mekem olketa pipol hu i biliv long God olketa save gohed olowe fo duim evri gud samting. Olketa samting wea hemi gud olsem, hemi save helpem evri pipol.