1 Timoti 5:2 - Pijin Bible

² an olketa olowoman olsem olketa mami blong yu, an olketa yangwoman olsem olketa sista blong yu nomoa, an yu mas duim diswan long barava stretfala wei.

Pijin Deuterocanon

² an olketa olowoman olsem olketa mami blong yu, an olketa yangwoman olsem olketa sista blong yu nomoa, an yu mas duim diswan long barava stretfala wei.

1 Timoti 5:2 Iomraidhean Croise

Matiu 12:50

Eniwan hu hemi duim wanem Dadi blong mi long heven hemi laekem, hem nao brata blong mi an sista blong mi an mami blong mi.”

Filipae 4:8

Olketa fren, mi laek fo talem wanfala samting moa. Yufala mas tingabaotem nomoa olketa gudfala wei wea pipol i tinghae long hem. Olketa gudfala wei olsem: wanem hemi tru, an wanem hemi fitim fo tinghae long hem, an wanem hemi stret, an wanem hemi klin gudfala, an wanem hemi somaot tru lav, an wanem hemi stret fo laekem, an wanem hemi barava nambawan tumas, an wanem hemi fitim fo tokhae long hem.

1 Tesalonaeka 5:22

an olketa nogud samting yufala mas no falom.

1 Timoti 4:12

Yu no letem eniwan fo tingdaonem yu from yu yangfala man nomoa. Nomoa ya. Yu mas somaot gudfala wei long olketa Kristin pipol, mekem olketa save falom yu long toktok blong yu an long laef blong yu an long lav blong yu an long biliv blong yu an long stretfala wei blong yu.

1 Timoti 5:1

Yu no tokhad tumas long man hu hemi olo winim yu, bat yu mas tok long hem long gudfala wei olsem yu toktok long dadi blong yu seleva. An yu mas lukim olketa yangman olsem olketa brata blong yu,

1 Timoti 5:3

Yufala mas helpem olketa wido woman wea olketa barava no save lukaftarem olketa seleva.

2 Timoti 2:22

Yu mas ranawe from enikaen nogud wei blong olketa yang pipol bat yu mas joen wetem olketa pipol hu i garem stretfala tingting an save mekhae long Masta. An yufala mas traehad fo falom nomoa wei wea hemi stret an fo holestrong long biliv an fo lavem olketa pipol an frengud wetem evriwan.