1 Timoti 5:13 - Pijin Bible

¹³ An olketa tu, olketa save stat fo falom wei fo stap nating nomoa an fo go-goraon long evri haos tumas. An bae diskaen samting hemi save kamap wos moa, wea olketa save stori nogud tumas abaotem olketa nara pipol, an olketa save olobaot tumas, an olketa save toktok abaotem olketa samting wea i no bisnis blong olketa.

Pijin Deuterocanon

¹³ An olketa tu, olketa save stat fo falom wei fo stap nating nomoa an fo go-goraon long evri haos tumas. An bae diskaen samting hemi save kamap wos moa, wea olketa save stori nogud tumas abaotem olketa nara pipol, an olketa save olobaot tumas, an olketa save toktok abaotem olketa samting wea i no bisnis blong olketa.

1 Timoti 5:13 Iomraidhean Croise

Provebs 20:19

Man fo toktok tumas, hemi spoelem nara man. No go kolsap long kaen man olsem.

Aposol 20:30

An bae samfala long yufala tu, bae olketa stat fo talemaot olketa laea tising an traehad fo pulum olketa Kristin fo go falom olketa.

Provebs 31:27

Oltaem nomoa hemi bisi, an hemi barava lukaftarem famili blong hem.

Taetas 1:11

Yu mas stopem olketa laea tisa olsem bikos olketa gohed fo spoelem finis biliv blong samfala famili. Olketa gohed fo tisim pipol long diskaen rong tising, mekem olketa save tekem plande seleni fo olketa seleva nomoa.

Aposol 20:20

Yufala save finis wea mi bin talemaot Gudnius long yufala an mi tisim yufala long olketa bikfala ples an long olketa haos blong yufala tu. An mi nating bin fraet fo talem yufala abaotem evrisamting wea hemi save helpem yufala.

Gudnius abaotem Jisas Kraes wea Luk hemi raetem 10:7

An yufala mas stap long sem haos ya nomoa, an yufala mas no go olobaot long olketa nara haos moa. An yufala gohed tu fo kaikai an dringim enisamting nomoa wea olketa givim long yufala, bikos man wea hemi waka, hemi fitim fo hemi tekem pei blong hem.

Levitikas 19:16

An yufala mas no tokspoelem o laea abaotem eniwan. An taem eni wantok hemi go long kot, yufala mas no duim enisamting wea hemi save mekem olketa kilim dae disfala wantok fo panisim hem. Yufala mas no duim olketa samting ya, bikos mi nao Yawe.

3 Jon 1:10

So taem mi kam fo lukim yu, bae mi talemaot olketa ravis samting wea hemi save duim, olsem olketa ravis samting wea hemi talem agensim mifala. An narasamting moa, hemi nating laek fo lukaftarem olketa Kristin fren taem olketa kasem sios ya. An sapos olketa narawan i wande helpem olketa ya, Daeotrefis hemi stopem olketa fo no duim diswan an hemi raosim olketa from sios ya tu.

1 Pita 4:15

Bat hemi nogud sapos eniwan long yufala hemi kilim man dae o hemi stil o hemi mektrabol o hemi goraon fo spoelem waka blong olketa pipol. Hemi nogud tumas sapos olketa pipol mas panisim eniwan long yufala bikos hemi duim olketa ravis samting olsem.

Jemes 3:10

?Hao nao gudfala toktok an ravis toktok i save kamaot long wanfala maos nomoa? !Olketa Kristin fren, diskaen samting hemi nating fitim yumi fo duim ya!

Provebs 7:11

Woman ya hemi no stap kuaet long haos, hemi nating fraet, hemi nating sem.

Provebs 11:13

Yu no trastem man hu hemi stori olobaot, man hemi stap kuaet yu save trastem.

1 Timoti 5:12

Long wei ya nao, bae olketa pipol i save jajem olketa yangwoman olsem, bikos olketa brekem promis wea olketa mekem fastaem.