1 Timoti 4:15 - Pijin Bible

¹⁵ Yu mas gohed nomoa fo duim olketa waka ya, an yu mas traehad fo duim olketa samting ya gudfala, mekem evri pipol i save lukim dat waka blong yu i gohed fo kamap gudfala moa.

Pijin Deuterocanon

¹⁵ Yu mas gohed nomoa fo duim olketa waka ya, an yu mas traehad fo duim olketa samting ya gudfala, mekem evri pipol i save lukim dat waka blong yu i gohed fo kamap gudfala moa.

1 Timoti 4:15 Iomraidhean Croise

Sams 1:2

Olketa pipol ya i hapi bikos olketa falom Lo blong Yawe, an oltaem olketa gohed fo ridim an tingting long hem evri de an evri naet.

Sams 104:34

Hemi gud tumas sapos Yawe hemi hapi long prea blong mi, bikos oltaem hem nao hemi mekem mi hapi.

Sams 105:5

Yumi ya, i bon kam long laen blong Ebraham, hu hemi wakaman blong Yawe. An yumi bon kam tu long laen blong Jekob, hu Yawe hemi bin siusim. Oltaem yumi mas tingim olketa mirakol wea hemi mekem, an wei wea hemi jajem olketa enemi.

Sams 119:148

Fo fulnaet mi nating save slip, mi gohed fo tingim nomoa olketa promis blong yu.

Sams 119:15

Oltaem mi lanem olketa gudfala toktok blong yu, an mi gohed fo falom olketa tising blong yu.

Sams 119:23

Nomata olketa bikman i sidaon fo mekem plan agensim mi, bae mi gohed fo lanem an falom nomoa olketa lo blong yu.

Sams 119:48

Mi tinghae tumas long olketa strongfala toktok blong yu, wea mi laekem tumas fo falom. An bae mi tingting strong long olketa tising blong yu.

Sams 119:97

Lod Yawe, mi laekem tumas gudfala tising blong yu, mi gohed fo tingting long hem stat long moning go-go kasem ivining.

Sams 119:99

Mi savegud moa winim olketa tisa blong mi, bikos oltaem mi tingting long tising blong yu.

Sams 143:5

Bat taem mi tingting gobaek long olketa de wea hemi gopas finis, nao mi tingim olketa samting wea yu bin duim fo mifala.

Sams 19:14

Lod Yawe, yu nao yu strongfala ples blong mi fo haed, an yu nao yu mekem mi fri. Mi laekem olketa toktok blong mi an olketa tingting blong mi, hemi stret gudfala long ae blong yu. (Singsing blong Deved.)

Sams 49:3

Olketa toktok wea bae mi talem hemi waes tumas. An bae yufala save nomoa wanem mi tingim.

Sams 63:6

Taem mi leidaon long bed, oltaem mi save tingim yu. Stat long ivining go-go kasem moning mi tingim yu olowe nomoa,

Sams 77:12

An bae mi tingting strong long evri gudfala samting an evri bikfala samting wea yu bin duim.

Nambas 8:26

Taem eniwan hemi ritaea, hemi save helpem olketa wantok fo gadem Tambuples nomoa, bat hemi no save duim eni hadwaka fo karikari. Hem nao wei fo falom long waka blong olketa Livaet.”

Matiu 5:16

Long sem wei tu, laet blong yufala hemi mas saen go long olketa pipol, mekem olketa luksave long olketa gudfala samting wea yufala duim, an mekem olketa mekhae long Dadi blong yufala long heven.”

Aposol 6:4

Bat mifala, bae mifala save gohed oltaem nomoa fo prea an fo talemaot toktok blong God.”

1 Korin 16:15

Nao yufala save long Stefanas an famili blong hem. Olketa nao fas pipol long provins long Akaea fo kamap Kristin, an olketa waka olowe fo helpem olketa pipol blong God. Olketa fren, mi askem strong long yufala nao,

2 Korin 4:14

Mifala save dat God hemi bin mekem Masta blong yumi Jisas fo laefbaek moa. An bae hemi mekem mifala fo laefbaek olsem Jisas tu, an bae hemi tekem yumi go kasem ples blong hem.

2 Korin 8:5

Diswan hemi barava winim wanem mifala bin tingim. Fastaem, olketa givim olketa seleva long Masta. An bihaen, olketa givim olketa seleva long mifala tu falom wanem God hemi laekem.

1 Timoti 4:14

Disfala spesol paoa wea yu garem, yu mas no letem hem fo stap nating. God nao hemi givim yu diswan, taem olketa profet i talemaot toktok abaotem yu an olketa lida long sios i putum han blong olketa antap long yu.

1 Timoti 4:16

Yu mas lukaftarem gud laef blong yu wetem olketa toktok wea yu gohed fo tisim ya. Sapos yu duim diswan, bae yu sevem yu seleva wetem olketa pipol hu i herem yu tu.

1 Timoti 4:6

Sapos yu talemaot olketa toktok ya long olketa Kristin fren blong yumi, bae yu wanfala gudfala wakaman blong Jisas Kraes. An bae yu grouap strong long olketa gudfala tising insaet long biliv wea yu falom kam finis.

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

Josua 1:8

Oltaem, yu mas ridim buk blong Lo an yu mas tisim olketa pipol abaotem olketa toktok wea hemi stap insaet. An long de an naet yu mas tingting gudfala falom olketa toktok ya, mekem yu save duim evrisamting wea Lo hemi talem. Sapos yu duim olsem, olketa waka blong yu bae hemi save gohed gudfala.