1 Timoti 4:13 - Pijin Bible

¹³ An long distaem wea yu weitem mi fo kambaek, yu gohed nomoa fo ridimaot Buktambu an fo talemaot Gudnius an tisim olketa pipol gudfala.

Pijin Deuterocanon

¹³ An long distaem wea yu weitem mi fo kambaek, yu gohed nomoa fo ridimaot Buktambu an fo talemaot Gudnius an tisim olketa pipol gudfala.

1 Timoti 4:13 Iomraidhean Croise

Gudnius abaotem Jisas Kraes wea Jon hemi raetem 5:39

Yufala ya, yufala tingse bae yufala kasem tru laef wea hemi no save finis bikos yufala save lukluk gud long olketa toktok insaet long Buktambu. !Olketa toktok ya, mi nao olketa tokabaotem ya!

Aposol 17:11

Long taon ya, wei blong olketa pipol hemi gud tumas winim olketa long Tesalonaeka. Olketa wiling tumas fo herem toktok blong Pol, an evri de olketa gohed fo sekap long Buktambu sapos olketa samting i barava tru o nomoa.

Aposol 6:4

Bat mifala, bae mifala save gohed oltaem nomoa fo prea an fo talemaot toktok blong God.”

Leta wea Pol hemi raetem go long sios long Rom 12:8

Sapos God givim spesol paoa long yumi fo strongim tingting blong eniwan, yumi mas duim nao. An sapos hemi spesol paoa fo helpem pipol wetem enikaen samting, yumi mas duim long gudfala wei. Sapos yumi garem spesol paoa fo lidim pipol, yumi mas lukaftarem olketa gudfala. An sapos yumi garem spesol paoa fo sore an kaen long pipol, yumi mas duim nomoa an hapi long hem.

1 Korin 14:26

Nao olketa Kristin fren, wanem mi minim hemi olsem ya. Taem yufala kam tugeta fo prea, evriwan nao i save help. Wanfala hemi save singsing, an narawan hemi save tisim samfala samting, an narawan hemi save talem wanem God hemi bin somaot long hem, an narawan hemi save toktok long olketa spesol kaen langguis, an narawan hemi save talem kam mining blong disfala toktok ya. Evrisamting ya hemi mas helpem biliv blong evriwan.

1 Korin 14:3

Bat eniwan hu hemi talemaot mesij blong God, hemi toktok long olketa pipol. Hemi helpem biliv blong olketa fo grou moa an hemi mekem tingting blong olketa fo kamap strong, an hemi helpem olketa fo filgud moa.

1 Korin 14:6

?So olketa fren, sapos mi kam long yufala an mi toktok long olketa spesol kaen langguis nomoa, hao nao bae diswan hemi save helpem yufala? !Nomoa nao ya! Bat sapos mi talemaot samting wea God hemi bin somaot long mi o samfala gudfala save o eni mesij blong God o samfala tising moa, hem nao bae hemi helpem yufala ya.

Diutronomi 17:19

Nao hemi mas kipim buk ya olowe, an hemi mas ridim olowe, mekem hemi save tinghae long Yawe, God blong hem, an hemi save obeim olketa lo an olketa rul ya.

1 Timoti 4:16

Yu mas lukaftarem gud laef blong yu wetem olketa toktok wea yu gohed fo tisim ya. Sapos yu duim diswan, bae yu sevem yu seleva wetem olketa pipol hu i herem yu tu.

1 Timoti 4:6

Sapos yu talemaot olketa toktok ya long olketa Kristin fren blong yumi, bae yu wanfala gudfala wakaman blong Jisas Kraes. An bae yu grouap strong long olketa gudfala tising insaet long biliv wea yu falom kam finis.

2 Timoti 3:15

Stat kam taem yu smolfala yet, yu save finis long Buktambu. An tising blong hem save givim gudfala tingting long yu an save helpem yu fo trastem Jisas Kraes, mekem God save sevem yu.

2 Timoti 4:2

yu mas gohed fo talemaot toktok blong God olowe, nomata long taem wea pipol no wande lisin long yu. Yu mas traehad fo helpem pipol fo luksave long tru toktok, an yu mas stretem wei blong olketa an helpem olketa fo gohed strong moa. An yu mas kaen long evriwan taem yu tisim olketa gudfala.

Taetas 2:15

Oltaem yu mas tisim olketa pipol abaotem evrisamting mi tokabaotem. Yu mas yusim evri paoa wea yu garem fo strongim tingting blong olketa an fo tokhad long olketa taem olketa no falom toktok ya. Nogud nao samfala man save tingdaonem yu.

Josua 1:8

Oltaem, yu mas ridim buk blong Lo an yu mas tisim olketa pipol abaotem olketa toktok wea hemi stap insaet. An long de an naet yu mas tingting gudfala falom olketa toktok ya, mekem yu save duim evrisamting wea Lo hemi talem. Sapos yu duim olsem, olketa waka blong yu bae hemi save gohed gudfala.