1 Timoti 3:16 - Pijin Bible

¹⁶ An hemi tru nao, tru tising abaotem biliv long Kraes hemi barava bikfala samting tumas. An tising ya nao hemi olsem, Kraes hemi somaot hem seleva long bodi olsem man. An Holi Spirit hemi somaot dat wei blong Kraes hemi barava stret. An olketa enjel olketa lukim tu. Toktok abaotem hem hemi go-goraon long olketa kantri, an plande pipol long wol i biliv long hem. An God hemi tekem hem goap long heven.

Pijin Deuterocanon

¹⁶ An hemi tru nao, tru tising abaotem biliv long Kraes hemi barava bikfala samting tumas. An tising ya nao hemi olsem, Kraes hemi somaot hem seleva long bodi olsem man. An Holi Spirit hemi somaot dat wei blong Kraes hemi barava stret. An olketa enjel olketa lukim tu. Toktok abaotem hem hemi go-goraon long olketa kantri, an plande pipol long wol i biliv long hem. An God hemi tekem hem goap long heven.

1 Timoti 3:16 Iomraidhean Croise

Aesaea 7:14

Bae yufala lukim wanfala gele hu hemi babule, an hemi bonem wanfala pikinini boe. An bae hemi kolem hem Imanuel.

Aesaea 9:6

Ya, mifala hapi tumas bikos wanfala pikinini boe hemi bon kam fo mifala. Lod Yawe, yu nao yu givim kam disfala pikinini fo mifala. An hem nao bae hemi rul ovarem mifala. Bae olketa kolem hem, Nambawan Man fo givim gudfala tingting, an God hu hemi strong tumas, an Dadi hu hemi stap olowe, an Bikman fo mekem Piis.

Maeka 5:2

Yawe hemi tok olsem, “Yufala blong vilij ya long Betlehem, long provins long Efrata long Jiuda. Vilij blong yufala hemi wanfala smolfala vilij nomoa long olketa taon wea i stap raonem yufala. Bat nomata olsem, bae mi mekem wanfala man long traeb blong yufala, fo rul ovarem Israel. Laen blong man ya, hemi wanfala impoten laen wea hemi barava stat kam longtaem bifoa.”

Matiu 1:23

“Wanfala yang gele hu no eni man hemi stap wetem hem yet, bae hemi babule an bae hemi bonem wanfala pikinini boe. An bae olketa kolem boe ya, Imanuel.” Disfala nem ya hemi minim, “God hemi stap wetem yumi.”

Matiu 13:11

Nao Jisas hemi sei long olketa, “Mi duim olsem bikos God hemi bin givim finis save long yufala fo luksave long olketa tru samting wea hemi staphaed insaet long kingdom long Heven. Bat olketa pipol ya, God hemi no givim save long olketa.

Matiu 28:2

!An seknomoa, wanfala bikfala etkuek hemi sekem evrisamting nao! An wanfala enjel blong God hemi kamdaon long heven, an hemi rolem go disfala ston an hemi go sidaon antap long hem nao.

Matiu 3:16

Taem Jisas hemi baptaes finis nomoa, hemi kam stanap long saet wata moa. An long semtaem nomoa, skae hemi open nao an hemi lukim dat Spirit blong God hemi kamdaon long Jisas olsem wanfala kurukuru an hemi kam sidaon antap long hem.

Matiu 4:11

So distaem nomoa, Seitan hemi goawe from Jisas nao. An long semtaem ya tu, olketa enjel olketa kam long Jisas fo helpem hem.

Gudnius abaotem Jisas Kraes wea Mak hemi raetem 1:13

An ples ya tu olketa wael animol olketa stap long hem. Jisas hemi stap long ples ya fo foti de, an oltaem nomoa Seitan hemi gohed fo traem hem. An olketa enjel i kam an helpem hem.

Gudnius abaotem Jisas Kraes wea Mak hemi raetem 16:19

Taem Jisas Masta blong olketa, hemi toktok long olketa finis nomoa, God hemi tekem hem go antap long heven nao. An hemi sidaon long raetsaet blong God.

Gudnius abaotem Jisas Kraes wea Mak hemi raetem 16:5

Nao taem olketa go insaet long kev ya, olketa lukim wanfala yangman hu hemi sidaon long raetsaet, wea hemi werem longfala kaleko wea hemi waet fogud. Taem ya nomoa, olketa woman ya i barava fraet fogud nao.

Gudnius abaotem Jisas Kraes wea Luk hemi raetem 2:32

Hemi olsem wanfala laet wea hemi saen go long olketa pipol hu i no Jiu, mekem olketa luksave long yu, an mekem olketa preisim olketa pipol blong yu long Israel.”

Gudnius abaotem Jisas Kraes wea Luk hemi raetem 20:44

Deved hemi kolem disfala Mesaea ya Masta blong hem. ?So hao nao man wea hemi bon kam long laen blong Deved hemi save kamap Masta blong hem moa?”

Gudnius abaotem Jisas Kraes wea Luk hemi raetem 22:43

An wanfala enjel long heven hemi kam long Jisas an hemi helpem hem fo strong moa.

Gudnius abaotem Jisas Kraes wea Luk hemi raetem 24:4

An taem olketa trae fo tingting abaotem diswan, seknomoa, tufala man i stanap long saet long olketa woman ya nao. Kaleko blong tufala i barava saen fogud.

Gudnius abaotem Jisas Kraes wea Luk hemi raetem 24:51

An taem hemi gohed fo blesim olketa yet, hemi lusim olketa nao, an God hemi tekem hem goap long heven.

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

Gudnius abaotem Jisas Kraes wea Jon hemi raetem 13:3

Nao Jisas hemi save finis wea Dadi blong hem hemi givim evrisamting long han blong hem finis. An hemi save tu dat hemi kamaot long God, an bae hemi gobaek moa long God.

Gudnius abaotem Jisas Kraes wea Jon hemi raetem 15:26

“Holi Spirit wea hem nao fo helpem yufala, hemi stap wetem Dadi ya an bae mi sendem hem kam long yufala. Hemi save somaot evri tru samting an bae hemi kam talem yufala abaotem mi.

Gudnius abaotem Jisas Kraes wea Jon hemi raetem 16:28

Fastaem, mi stap wetem Dadi ya an mi lusim hem fo kam long disfala wol, an distaem, mi lusim disfala wol ya fo gobaek moa long Dadi ya.”

Gudnius abaotem Jisas Kraes wea Jon hemi raetem 17:5

Long distaem Dadi, mi laekem yu fo somaot moa disfala saen blong bikfala paoa blong mi wea mi garem taem mi stap wetem yu bifoa, taem disfala wol hemi no stap yet.

Gudnius abaotem Jisas Kraes wea Jon hemi raetem 20:12

An hemi lukim tufala enjel wea tufala werem waetfala kaleko. Tufala sidaon long ples wea bodi blong Jisas hemi bin stap long hem ya. Wanfala hemi sidaon long saet wea hed blong Jisas hemi bin stap long hem, an narawan hemi sidaon long saet wea lek blong hem hemi bin stap long hem.

Gudnius abaotem Jisas Kraes wea Jon hemi raetem 6:62

?Sapos olsem, wanem nao bae yufala tingim sapos yufala lukim mi San Blong Man, taem mi gobaek moa long ples wea mi stap kam long hem fastaem?

Aposol 1:19

Olketa pipol long Jerusalem olketa herem nius abaotem diswan, an long langguis blong olketa, olketa kolem disfala ples “Akeldama” wea hemi minim “Ples blong blad”.

Aposol 10:34

So Pita hemi stat fo toktok olsem, “Tru tumas ya, distaem mi barava luksave nao dat God hemi no save fevarem eniwan nomoa.

Aposol 14:27

Nao taem tufala kasem Antiok, tufala talem evriwan long sios fo hipap tugeta. An tufala talem olketa abaotem evrisamting wea God hemi bin duim wetem tufala, an hao hemi bin mekem wei fo olketa hu i no Jiu fo olketa save biliv.

Aposol 20:28

So yufala mas lukaftarem yufala seleva gudfala, wetem evri pipol wea Holi Spirit hemi putum long han blong yufala. Yufala mas stap olsem olketa man fo lukaftarem olketa sipsip, an lukaftarem gud disfala sios blong God wea hemi bin peimaot taem San blong hem hemi dae olsem wanfala sakrifaes.

Leta wea Pol hemi raetem go long sios long Rom 10:12

Olketa Jiu olketa i no deferen long olketa pipol hu i no Jiu. Evriwan nao i garem wanfala Masta nomoa, hu hemi save givim olketa gudfala samting long evriwan hu i prea go long hem.

Leta wea Pol hemi raetem go long sios long Rom 10:18

Bat mi askem moa, ?Waswe, olketa pipol blong Israel i no herem nius ya? Nomoa, olketa herem finis ya, olsem Buktambu hemi sei, “Mesij blong olketa hemi goaot finis long evri pipol long wol, toktok blong olketa hemi go kasem evri ples long wol nao.”

Leta wea Pol hemi raetem go long sios long Rom 16:25

!Yumi mekhae long God! Hem nao hemi save mekem yufala stanap strong long biliv blong yufala, falom Gudnius wea mi talemaot abaotem Jisas Kraes. Long Gudnius ya nao God hemi mekem klia disfala toktok wea hemi staphaed long bifoa kam yet.

Leta wea Pol hemi raetem go long sios long Rom 16:26

Bat distaem nao, God hu hemi laef olowe, hemi somaot disfala toktok long wanem olketa profet olketa raetem finis. An hemi talem yumi fo talemaot disfala toktok, mekem olketa pipol long evri ples long wol olketa save biliv long God an obeim hem.

Leta wea Pol hemi raetem go long sios long Rom 3:4

!Nomoa ya! Nomata evri pipol save laea, wanem God hemi talem hemi barava tru, olsem Buktambu hemi sei, “Bae olketa pipol luksave dat toktok blong yu hemi stret tumas, an bae yu win long evritaem olketa tekem yu long kot.”

Leta wea Pol hemi raetem go long sios long Rom 8:3

Lo hemi no garem paoa fo tekemaot sin blong yumi, bikos yumi no save obeim. Bat God nao hemi duim diswan taem hemi mekem San blong hem fo kamap man olsem yumi man, bat yumi nao i man blong sin. Hemi sendem hem kam olsem wanfala sakrifaes fo tekemaot sin blong yumi. Long wei ya nao, God hemi jajem wei blong sin blong yumi man.

Leta wea Pol hemi raetem go long sios long Rom 9:5

Evriwan i kamaot long laen blong olketa nambawan olo blong bifoa, an Kraes tu hemi bon kam olsem man long laen blong olketa ya. Letem evriwan preisim God olowe, wea hem nao hemi Masta blong evrisamting. Amen.

1 Korin 15:47

Disfala fas Adam, God hemi mekem hem kamaot long graon blong wol, bat disfala mektu Adam hemi kamaot long heven.

1 Korin 2:7

Disfala waes toktok blong God wea mi talemaot ya, God hemi mekem fo staphaed fastaem. Bat nomata taem God hemi no mekem wol ya yet, hemi makem kam disfala waes toktok fo yumi finis, mekem hem nao wei wea bae yumi save kasem God long heven.

2 Korin 1:19

Mi wetem Saelas an Timoti, mitrifala save tokabaotem Jisas Kraes San Blong God, wea hemi no save talem “Yes” an “No” long semtaem. Nomoa, hem ya hemi talemaot “Yes” oltaem.

Galesia 2:8

Bikos God hemi mekem Pita kamap aposol fo go long olketa Jiu, an hemi mekem mi kamap aposol fo go long olketa hu i no Jiu.

Galesia 4:4

Bat long barava raet taem, God hemi sendem kam San blong hem nao. Hemi bon kam long wanfala woman an hemi stap falom Lo blong Mosis.

Efesas 1:9

hemi somaot finis long yumi disfala plan wea hemi bin staphaed, wea hemi tingim bifoa kam fo Kraes nao hemi finisim.

Efesas 6:19

An yufala mas prea fo mi tu, mekem God bae hemi givim mi olketa toktok fo talemaot. Sapos olsem, bae mi no save fraet taem mi talemaot wanem hemi bin staphaed long Gudnius.

Kolosi 1:23

Bat yufala mas stanap strong an falom nomoa disfala wei fo biliv. Nogud enisamting hemi pulum yufala, mekem yufala lusim nomoa disfala wei fo biliv strong long Gudnius wea yufala bin herem finis. Gudnius ya olketa bin talemaot finis long evri pipol long wol. An mi Pol, mi tu mi wanfala wakaman blong hem.

Kolosi 1:27

God hemi laek fo somaot disfala tokhaed long olketa pipol blong hem. An disfala tokhaed ya, hemi garem gudfala samting wea God hemi laek fo givim long evri pipol long wol. An disfala tokhaed ya hemi olsem, Kraes hemi stap insaet long yufala finis nao, wea yufala save weitem hem fo bae hemi tekem yufala go stap wetem God.

Kolosi 1:6

Gudnius ya hemi gohed yet fo goaot long evri ples long wol, an hemi gohed fo mekem olketa gudfala samting kamap long laef blong pipol. An Gudnius hemi bin gohed fo duim diswan long midol long yufala tu, stat taem yufala herem abaotem kaenfala lav blong God an yufala barava luksave long tru mining blong hem.

Kolosi 2:2

Mi duim waka ya fo mekem tingting blong yufala evriwan fo stanap strong an fo mekem yufala lavem gud evriwan long yufala. Long wei ya, tingting blong yufala hemi barava savegud moa long disfala gudfala save abaotem Kraes, wea God hemi mekem fo staphaed bifoa.

2 Tesalonaeka 1:10

Bae diswan hemi hapen long datfala de wea Masta bae hemi kambaek moa an pipol blong hem bae i mekhae long hem. Ya, long datfala taem, olketa hu i biliv long hem bae olketa preisim hem fogud. An yufala tu bae stap wetem olketa pipol blong Masta, bikos yufala biliv finis long olketa toktok wea mifala bin talem long yufala.

2 Tesalonaeka 2:7

Paoa blong disfala Man fo Brekem Lo nao, hemi gohed waka distaem. Bat hemi staphaed yet go-go kasem taem wea God bae hemi tekemaot disfala man hu hemi gohed fo stopem Man fo Brekem Lo.

1 Timoti 3:9

Hemi mas barava biliv long tru tising, an hemi mas no garem tufala tingting long hem.

Hibrus 1:3

Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

Hibrus 12:2

Yumi mas gohed fo lukluk go long Jisas, wea hem nao hemi mekem disfala wei fo yumi save biliv, an hem nao hemi lukaftarem biliv blong yumi go-go kasem en long resis blong yumi. Nomata olketa kilim hem dae long kros, hemi hapi fo tingim disfala laef wea bae hemi kasem bihaen. Hemi no tingim disfala dae blong hem long kros, olsem samting fo filsem long hem. An long distaem ya, hemi sidaon nao long raetsaet blong God fo rul wetem hem.

Hibrus 7:7

An yumi evriwan i save, wanfala man hu hemi blesim narafala man, hem nao hemi bikfala moa winim man wea hemi blesim ya.

Hibrus 8:1

Bikfala samting wea mifala gohed fo talem long yufala nao, hemi olsem. Yumi garem diskaen Haeprist ya hu hemi sidaon long heven long raetsaet blong God hu hemi garem evri paoa.

1 Pita 1:12

So God hemi somaot long olketa dat disfala tru toktok wea olketa gohed fo talemaot, hemi no fo helpem profet seleva, bat hemi fo helpem yufala nao. An Holi Spirit wea God hemi sendem kam, hemi givim paoa long samfala pipol, mekem olketa talemaot disfala Gudnius long yufala. An nomata olketa enjel tu, olketa wande savegud abaotem disfala Gudnius.

1 Pita 1:20

Bifoa God hemi mekem disfala wol, hemi siusim finis Kraes fo sevem yufala. Bat Kraes hemi kam finis fo helpem yufala long olketa las de bifoa disfala wol hemi finis.

1 Pita 1:21

Bikos Kraes hemi helpem yufala, hem nao yufala save biliv long God. God nao hemi mekem Kraes fo laefbaek moa from dae an givim hem saen blong bikfala paoa blong hem. Dastawe nao yufala save biliv long God an trastem hem.

1 Pita 3:18

Bikos Kraes hu hemi stret long ae blong God, hemi dae fo tekem ples blong olketa pipol hu i nogud tumas. Dae blong hem nao hemi tekemaot evri sin blong yufala finis, an hemi mekem yufala kambaek moa long God. Taem hemi stap long disfala wol, olketa pipol kilim hem dae, bat Spirit blong God hemi mekem hem fo laefbaek moa long tru laef.

1 Pita 3:22

Jisas ya nao hemi goap long heven an hemi sidaon long raetsaet blong God. An hemi rul ovarem olketa enjel an evri paoa long heven.

1 Jon 1:2

Disfala Laef bin kam finis long disfala wol, an mifala bin lukim hem tru nao. So distaem, mifala raet go long yufala fo talem yufala abaotem disfala Laef wea hemi no save finis. Long bifoa, hemi bin stap wetem God Dadi blong yumi, bat distaem hemi somaot hem seleva long mifala. An mifala talemaot nao, dat olketa samting ya i tru tumas.

1 Jon 3:5

Yufala save, Kraes hemi bin kam long disfala wol fo tekemaot sin blong olketa pipol. An hemi no garem eni sin.

1 Jon 3:8

Bat eniwan hu hemi gohed olowe long wei blong sin, hemi pikinini blong Seitan ya, bikos Seitan nao hemi stap olowe long wei blong sin stat kam bifoa. Bat San Blong God nao hemi kam fo barava spoelem evrisamting wea Seitan hemi duim.

Revelesin 17:5

An nem blong hem hemi stap long fohed blong hem. Mining blong disfala nem ya, hemi bin staphaed. Hemi olsem: “Biktaon Babilon. Mami blong evri juri. Mami blong evri ravis wei blong wol.”

Revelesin 17:7

So enjel ya hemi askem mi, “?Waswe nao yu sapraes tumas olsem? Disfala woman wetem wael animol wea hemi garem sevenfala hed an tenfala hon, an hemi karim woman ya, tufala olsem piksa blong wanfala samting. Bae mi talemaot mining blong disfala piksa wea hemi bin staphaed.

Revelesin 7:9

Den mi luk go moa, an mi lukim plande pipol tumas, wea no eniwan save kaontem olketa. Olketa pipol ya olketa kam from evri traeb an evri laen an evri kantri an evri langguis long wol. Olketa werem waet kaleko an olketa holem lif blong pam tri long han blong olketa, an olketa gohed fo stanap long frant long tron ya, an long frant long Smolfala Sipsip ya.