1 Timoti 1:7 - Pijin Bible

⁷ Olketa laek fo kamap tisa long Lo blong Mosis, bat olketa no save minim wanem olketa seleva gohed fo talem. An olketa nating save tu long tising wea olketa tingse olketa savegud tumas long hem.

Pijin Deuterocanon

⁷ Olketa laek fo kamap tisa long Lo blong Mosis, bat olketa no save minim wanem olketa seleva gohed fo talem. An olketa nating save tu long tising wea olketa tingse olketa savegud tumas long hem.

1 Timoti 1:7 Iomraidhean Croise

Matiu 15:14

So yufala no wari long olketa Farasi ya. Olketa trae fo lidim olketa blaen pipol, bat olketa seleva olketa blaen tu ya. An yufala save, sapos wanfala blaen man hemi lidim nara blaen man, bae tufala evriwan i foldaon insaet long hol nao ya.”

Matiu 21:27

So olketa sei nomoa long Jisas, “Oo, mifala no save ya.” Nao Jisas hemi tok olsem long olketa moa, “Sapos olsem, mi tu bae mi no talem yufala abaotem watkaen paoa nao mi garem fo duim olketa samting ya.”

Gudnius abaotem Jisas Kraes wea Luk hemi raetem 2:46

Long mektri de nao, tufala jes faendem Jisas insaet long disfala Tambuhaos blong God. Taem ya, hemi sidaon wetem olketa tisa blong Lo, an hemi lisin long toktok blong olketa an hemi gohed fo askem kuestin long olketa tu.

Aposol 15:1

Samfala man blong Jiudia olketa kam kasem Antiok, an olketa stat fo tisim olketa Kristin an sei, “Sapos yufala no kate olsem Lo blong Mosis hemi talem yumi mas duim, bae God hemi nating save sevem yufala ya.”

Leta wea Pol hemi raetem go long sios long Rom 1:22

Nomata olketa sei olketa waes tumas, bat olketa krangge finis.

Galesia 3:2

Wanfala samting nomoa mi laek fo yufala talem kam long mi. ?Waswe, yufala tekem Spirit blong God bikos yufala falom Lo, o bikos yufala biliv long disfala Gudnius wea yufala herem?

Galesia 3:5

?Waswe nao God hemi givim Spirit blong hem long yufala an hemi mekem olketa mirakol long yufala? ?Waswe, hemi bikos yufala falom Lo, o bikos yufala biliv long disfala Gudnius wea yufala herem?

Galesia 4:21

?Waswe long yufala hu i laek fo stap falom Lo, yufala no save long wanem nao Lo hemi barava talem?

1 Timoti 6:4

Olketa pipol ya, olketa no save long enisamting nomoa ya, bat olketa praod tumas an oltaem olketa garem nogud tingting fo raoa abaotem enikaen toktok. Diswan hemi mekem olketa pipol fo joles an fo faet an fo tok nogud abaotem nara man, an fo tingting nogud abaotem olketa.

2 Timoti 3:7

an olketa traehad oltaem fo lanem plande samting bat olketa no save minim wanem hemi tru.

Jemes 3:1

Olketa Kristin fren, plande long yufala mas no trae fo kamap tisa insaet long sios, bikos yufala save dat God bae hemi jajem yumi olketa tisa winim evri nara pipol.

2 Pita 2:12

Bat olketa laea tisa ya, wande faet tumas olsem olketa wael animol wea hemi fitim fo olketa kilim olketa dae nomoa. Bikos olketa laea tisa ya i gohed nomoa fo tok nogud abaotem enikaen samting wea olketa no save long hem, olketa nara pipol nao bae olketa kilim dae olketa laea tisa ya.