1 Timoti 1:19 - Pijin Bible

¹⁹ Yu mas gohed fo holemstrong biliv an gudfala tingting blong yu. Samfala pipol i lusim finis gudfala tingting blong olketa, mekem biliv blong olketa hemi nogud finis tu.

Pijin Deuterocanon

¹⁹ Yu mas gohed fo holemstrong biliv an gudfala tingting blong yu. Samfala pipol i lusim finis gudfala tingting blong olketa, mekem biliv blong olketa hemi nogud finis tu.

1 Timoti 1:19 Iomraidhean Croise

Matiu 6:27

An nomata yufala wari tumas long laef blong yufala, yufala no save mekem laef blong yufala fo stap lelebet longtaem go moa.

1 Korin 11:19

Kanduit fo mis, yufala divaed olobaot, mekem olketa luksave long hu nao i barava falom tru toktok nomoa.

Galesia 5:4

Yufala hu i trae fo falom Lo fo mekem yufala seleva stap stret long ae blong God, yufala mekem yufala seleva fo lusim Kraes finis, an fo lusim kaenfala lav blong God tu.

1 Timoti 1:5

Nao sapos olketa falom disfala toktok blong mi ya, bae olketa save garem lav wea hemi kamaot long klin an stretfala laef an long barava trufala biliv.

1 Timoti 3:9

Hemi mas barava biliv long tru tising, an hemi mas no garem tufala tingting long hem.

1 Timoti 6:12

Yu mas traehad fo gohed gud long Kristin laef blong yu, olsem man hu hemi traehad fo ran fo winim resis. Long wei ya nao, bae yu save tekem disfala praes wea hemi tru laef wea hemi no save finis. Long bifoa, taem yu talemaot biliv blong yu long ae blong plande pipol, God hemi siusim yu fo yu tekem disfala laef ya.

1 Timoti 6:21

Samfala pipol tingim diskaen toktok hemi gudfala save, bat hemi laea nomoa. Olketa falom disfala save finis, an dastawe nao olketa lusim biliv blong olketa long Kraes. Letem kaenfala lav blong God bae hemi stap wetem yufala.

1 Timoti 6:9

Hemi isi nomoa fo olketa pipol hu i laek fo garem plande samting fo gorong tumas ya. Olketa save gorong long enikaen krangge samting an enikaen ravis samting wea olketa laekem. An bae olketa samting ya i save pulum olketa, go-go laef blong olketa hemi barava nogud an bae God hemi panisim olketa.

2 Timoti 2:18

Tufala lusim tru toktok finis nao. Olketa goraon fo sei, yumi no save laefbaek moa bihaen bikos yumi Kristin yumi bin laefbaek finis nao. Long diskaen wei ya olketa spoelem biliv blong samfala pipol.

2 Timoti 4:4

An bae olketa lusim tru tising an tane go fo lisin nomoa long olketa laea stori.

Taetas 1:9

Hemi mas holemstrong disfala tru tising wea yumi bin tisim hem. Sapos olsem, lida ya bae hemi fit fo tisim olketa pipol abaotem disfala tru tising, mekem tingting blong olketa kamap strong moa. An bae hemi save somaot tu olketa rong blong olketa pipol hu i agensim tru tising.

Hibrus 3:14

Yumi save stap joen wetem Kraes, sapos yumi gohed olowe fo holestrong long disfala strong biliv wea yumi garem fastaem ya.

1 Jon 2:19

Olketa enemi ya i lusim yumi finis bikos olketa no barava blong yumi. Sapos olketa barava blong yumi, olketa save stap wetem yumi nomoa. Bat long wei wea olketa lusim yumi, hemi somaot klia dat olketa i no blong yumi.

Revelesin 3:10

Nao bikos yufala falom tising blong mi fo gohed fo stanap strong olowe, bae mi lukaftarem yufala, mekem yufala stap sef long taem trabol hemi kam long disfala wol fo testem olketa pipol.

Revelesin 3:3

Nao yufala mas tingim moa olketa gudfala toktok wea olketa talemaot long yufala an yufala herem finis. Yufala mas obeim gud olketa toktok ya, an yufala mas lusim olketa ravis wei blong yufala nao. Bat sapos yufala no wekap, bae mi kam kasem yufala. An bae yufala no save long wataem nao bae mi kam, bikos bae mi kam olsem wei wea man fo stil hemi save kam.

Revelesin 3:8

Mi save abaotem yufala finis, dat nomata paoa blong yufala hemi smol nomoa, yufala bin gohed fo falom tising blong mi an no filsem fo sei yufala i pipol blong mi. So mi openem wanfala doa fo yufala, wea no eniwan save satem.