1 Timoti 1:15 - Pijin Bible

¹⁵ Jisas Kraes hemi kam insaet long wol ya fo mekem pipol fo fri from wei blong sin. Disfala toktok ya hemi barava tru ya, an hemi gud fo evriwan fo herem an bilivim. Mi nao mi barava wos winim eniwan long saet blong sin,

Pijin Deuterocanon

¹⁵ Jisas Kraes hemi kam insaet long wol ya fo mekem pipol fo fri from wei blong sin. Disfala toktok ya hemi barava tru ya, an hemi gud fo evriwan fo herem an bilivim. Mi nao mi barava wos winim eniwan long saet blong sin,

1 Timoti 1:15 Iomraidhean Croise

Stori abaotem Job 42:6

So, mi les tumas long mi seleva nao, an mi sidaon insaet long asis an long dast fo somaot dat mi sensim tingting blong mi.

Esikiel 16:63

Ya, bae mi mekem yu stret moa long ae blong mi from evri ravis samting wea yu bin duim, an taem yu tingim, bae yu sem fogud an no talem enisamting nao. “Hem nao mesij blong mi Lod Yawe.”

Matiu 1:21

Bae Meri hemi bonem wanfala pikinini boe an bae yu kolem hem Jisas, bikos disfala man nao bae hemi sevem olketa pipol blong hem from olketa sin blong olketa.”

Matiu 18:10

An Jisas hemi sei moa, “Yufala mas lukaot, nogud yufala lukdaon long eniwan long olketa smolfala pikinini ya. Mi talem long yufala, olketa enjel blong olketa i stap wetem Dadi blong mi long heven.

Matiu 20:28

Hemi barava olsem wea mi San Blong Man, mi no kam fo mekem olketa pipol i waka fo mi. Mi kam nomoa fo waka fo olketa, an fo letem mi fo dae fo peimaot plande pipol from sin blong olketa.”

Matiu 9:13

An mi no kam fo kolem olketa stretfala pipol bat mi kam fo kolem olketa pipol wea olketa garem sin ya. So yufala mas go an faendemaot mining blong disfala toktok blong God wea hemi sei, ‘Mi no laekem olketa sakrifaes, bat mi laekem olketa pipol fo kaen an sore long nara pipol.’”

Gudnius abaotem Jisas Kraes wea Mak hemi raetem 2:17

An taem Jisas hemi herem diswan, hemi tok olsem long olketa nao, “Yufala save, pipol hu i no sik olketa no wande lukim dokta. Bat pipol hu i sik nao olketa wande fo lukim dokta. So mi no kam fo kolem olketa stretfala pipol, bat mi kam fo kolem olketa pipol wea olketa garem sin.”

Gudnius abaotem Jisas Kraes wea Luk hemi raetem 15:2

Bat olketa Farasi an olketa tisa blong Lo, olketa stat fo tok agensim Jisas olsem, “Man ya hemi save fren wetem olketa ravis pipol ya an hemi save kaikai wetem olketa tu.”

Gudnius abaotem Jisas Kraes wea Luk hemi raetem 19:10

Mi San Blong Man, mi kam fo lukaotem olketa pipol hu olketa lus an fo sevem olketa.”

Gudnius abaotem Jisas Kraes wea Luk hemi raetem 5:32

So mi no kam fo kolem olketa stretfala pipol, bat mi kam fo kolem olketa pipol wea olketa garem sin, mekem olketa save lusim olketa ravis wei blong olketa.”

Gudnius abaotem Jisas Kraes wea Jon hemi raetem 1:12

Bat nomata olsem, olketa pipol hu i hapi wetem hem an hu i biliv long hem, hemi mekem olketa kamap pikinini blong God.

Gudnius abaotem Jisas Kraes wea Jon hemi raetem 1:29

Long neks de, Jon hemi lukim go Jisas wea hemi wakabaot kam nao. So hemi sei, “!Ei, lukim go man ya! Hem nao Smolfala Sipsip blong God fo sakrifaesim, wea hemi tekemaot sin blong evri pipol long disfala wol.

Gudnius abaotem Jisas Kraes wea Jon hemi raetem 12:47

An sapos eniwan hemi herem toktok blong mi bat hemi no obeim, bae mi no jajem hem ya. Bikos mi no kam fo jajem olketa long disfala wol ya, bat mi kam fo sevem olketa.

Gudnius abaotem Jisas Kraes wea Jon hemi raetem 3:36

Eniwan hu hemi biliv long disfala San, hemi garem tru laef wea hemi no save finis. Bat eniwan hu hemi no biliv long disfala San, hemi no save garem disfala laef, an God bae hemi kros long hem olowe nao.

Aposol 11:1

Olketa aposol wetem olketa nara Kristin hu i stap evriwea long provins ya long Jiudia, olketa herem nao wea olketa hu i no Jiu olketa tu i biliv long toktok blong God.

Aposol 11:18

Nao taem olketa herem toktok blong Pita nomoa, olketa no talem enisamting moa agensim hem. Olketa preisim God an olketa sei, “!Ya, nomata olketa hu i no Jiu tu, God hemi givim sans long olketa fo sensim tingting blong olketa an kasem niu laef!”

Aposol 3:26

So God hemi siusim Wakaman blong hem Jisas an hemi sendem hem kam long yufala fastaem, mekem hemi save givim blesing long yufala, taem hemi mekem yufala fo tane kambaek an lusim olketa ravis wei blong yufala.”

Leta wea Pol hemi raetem go long sios long Rom 11:14

Mi laek mekem olketa wantok blong mi fo joles long yufala, mekem samfala long olketa save kam long God fo hemi sevem olketa.

Leta wea Pol hemi raetem go long sios long Rom 5:6

Long barava taem wea God hemi siusim, Kraes hemi dae fo helpem yumi pipol blong sin, wea yumi nating save helpem yumi seleva.

1 Korin 15:9

Bikos mi nao mi lou tumas nomoa long olketa nara aposol, an mi no fit fo olketa kolem mi aposol, bikos mi bin meksave long olketa long sios blong God.

Efesas 3:8

Nomata mi lou winim evri pipol blong God, God hemi kaen tumas an hemi givim mi disfala waka. Hemi sendem mi go long olketa hu i no Jiu, fo talemaot Gudnius abaotem olketa gudfala samting blong Kraes wea tingting blong yumi no save kasem.

1 Timoti 1:13

Hemi tru, long bifoa nao mi save tokspoelem hem an mi mekful tumas long olketa Kristin. Bat nomata olsem, hemi sore long mi wea mi nating save nomoa long wanem mi duim bikos mi no biliv yet long taem ya.

1 Timoti 1:19

Yu mas gohed fo holemstrong biliv an gudfala tingting blong yu. Samfala pipol i lusim finis gudfala tingting blong olketa, mekem biliv blong olketa hemi nogud finis tu.

1 Timoti 3:1

Disfala toktok ya hemi tru tumas ya. Sapos eniwan hemi wande fo waka olsem lida long sios, gudfala waka nao hemi wande fo duim ya.

1 Timoti 4:9

Disfala toktok hemi barava truwan an hemi gud fo evriwan fo herem an falom.

1 Timoti 6:13

Long ae blong God hu hemi save givim laef long evrisamting, an long ae blong Jisas Kraes hu hemi bin talemaot barava strongfala biliv blong hem long taem Pontias Paelat hemi jajem hem, mi tokstrong long yu.

2 Timoti 2:11

Wanfala toktok wea hemi truwan hemi olsem: Sapos yumi joen wetem hem long dae blong hem, bae yumi stap joen wetem hem long laef blong hem tu.

Taetas 3:8

Disfala toktok hemi barava tru tumas. Mi laekem yu fo gohed strong fo talemaot olketa tising olsem, mekem olketa pipol hu i biliv long God olketa save gohed olowe fo duim evri gud samting. Olketa samting wea hemi gud olsem, hemi save helpem evri pipol.

Hibrus 7:25

Dastawe nao, hemi garem paoa fo sevem olketa pipol wea olketa kam long God bikos olketa biliv long hem, bikos Jisas hemi laef olowe an hemi save prea go long God fo olketa.

1 Jon 3:5

Yufala save, Kraes hemi bin kam long disfala wol fo tekemaot sin blong olketa pipol. An hemi no garem eni sin.

1 Jon 3:8

Bat eniwan hu hemi gohed olowe long wei blong sin, hemi pikinini blong Seitan ya, bikos Seitan nao hemi stap olowe long wei blong sin stat kam bifoa. Bat San Blong God nao hemi kam fo barava spoelem evrisamting wea Seitan hemi duim.

1 Jon 5:11

Nao wanem God hemi talemaot finis hemi olsem, God hemi givim yumi tru laef wea hemi no save finis, an disfala laef nao hemi long San blong hem.

Revelesin 21:5

Nao God hu hemi sidaon long tron, hemi tok olsem, “Yu save, mi gohed fo mekem evrisamting kamap niufala moa.” An hemi tok olsem moa, “Yu raetemdaon olketa toktok ya, bikos olketa truwan ya, an evriwan save trastem.”

Revelesin 22:6

Bihaen, enjel ya hemi tok olsem moa long mi, “Olketa toktok ya i barava tru tumas, an yu save trastem. God Masta hu hemi givim Spirit blong hem long olketa profet, hem nao hemi sendem mi kam fo som long olketa wakaman blong hem, olketa samting wea bae no longtaem nomoa hemi mas hapen.”

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.