1 Samuel 9:9 - Pijin Bible

^9-10 Sol hemi tok olsem, “Oraet, hemi gud. Yumitufala go long disfala man fo lukim spesol drim.” Hemi tok olsem bikos long taem ya, olketa pipol save kolem eni profet olsem man fo lukim spesol drim. An taem olketa wande faendemaot samting long God, olketa save sei, “Yumi go long man fo lukim spesol drim.” Oraet, tufala go nao long taon wea man blong God hemi stap long hem.

Pijin Deuterocanon

^9-10 Sol hemi tok olsem, “Oraet, hemi gud. Yumitufala go long disfala man fo lukim spesol drim.” Hemi tok olsem bikos long taem ya, olketa pipol save kolem eni profet olsem man fo lukim spesol drim. An taem olketa wande faendemaot samting long God, olketa save sei, “Yumi go long man fo lukim spesol drim.” Oraet, tufala go nao long taon wea man blong God hemi stap long hem.

1 Samuel 9:9 Iomraidhean Croise

Jenesis 25:22

Bat taem tufala no bon yet, oltaem hemi olsem wea tufala gohed fo faet insaet long bele blong mami blong tufala, nao hemi tok olsem, “?Wanem nao hemi mekem mi olsem ya?” Nao hemi go fo askem Yawe abaotem samting ya.

2 Samuel 24:11

Nao Yawe hemi tok long Profet Gad, hu hemi man blong King Deved fo lukim spesol drim. Hemi sei olsem, “Gad, yu go lukim king, an talem hem bae mi panisim hem. Trifala panis nao i stap redi fo hem, an hemi mas siusim wanfala fo mi duim agensim hem.” Long neks moning, taem king hemi wekap,

2 Kings 17:13

Yawe hemi bin sendem olketa profet blong hem fo go wonem pipol blong Israel an pipol blong Jiuda olsem, “Yufala mas lusim olketa ravis wei blong yufala. Yufala mas obeim olketa toktok an tising blong mi wea i stap finis long Lo blong mi wea mi talemaot long olketa olo blong yufala bifoa. Olketa wakaman blong mi, olketa profet, olketa nao bin kam fo talemaot long yufala.”

1 Kronikols 21:9

Nao Yawe hemi tok long Profet Gad, hu hemi man blong King Deved fo lukim spesol drim. Hemi sei olsem, “Gad, yu go lukim king, an talem hem bae mi panisim hem. Trifala panis nao i stap redi fo hem, an hemi mas siusim wanfala fo mi duim agensim hem.”

1 Kronikols 26:28

Nao laen blong Selomot i lukaftarem tu olketa samting wea Profet Samuel hemi bin givim, an olketa samting wea King Sol hemi bin givim, an olketa samting wea Abna, san blong Na hemi bin givim, an olketa samting wea Joab, san blong Seruia hemi bin givim.

1 Kronikols 29:29

Stori abaotem laef blong King Deved, stat long taem wea hemi kamap king go kasem en long laef blong hem, olketa raetemdaon long buk blong olketa ripot blong Profet Samuel, an Profet Natan, an Profet Gad.

1 Kronikols 9:22

Olketa evriwan wea olketa siusim fo gadem olketa ples ya, i kasem 212. An olketa bin raetemdaon nem blong olketa long rekod blong laen falom olketa vilij blong olketa. Bifoa, King Deved an Profet Samuel, tufala siusim olketa olfala grani blong olketa fo barava lukaftarem waka ya.

2 Kronikols 16:10

Disfala toktok hemi mekem King Asa fo kros tumas long profet. Hemi kros fogud, so hemi putum profet ya long prisin. An stat long datfala taem, hemi gohed fo spoelem samfala pipol blong hem.

2 Kronikols 16:7

Nao long datfala taem, Profet Hanani hemi go lukim King Asa, an hemi tok olsem long hem, “Bikos yu no trastem Yawe hu hemi God blong yu, bat yu trastem nomoa king blong Siria, oraet, bae yu garem trabol bikos ami blong king blong Siria hemi goaot from han blong yu.

Aesaea 29:10

Yawe hemi mekem yufala redi nao fo barava dip slip. Olketa profet nao i olsem ae blong yufala, bat Yawe nao hemi satem disfala ae.

Aesaea 30:10

Oltaem olketa pipol ya i save tok olsem long olketa profet blong mi, ‘!Yufala profet mas stop fo lukim olketa spesol drim! !Yufala mas stop fo somaot disfala stretfala wei long mifala! !Yufala mas talemaot nomoa wanem mifala laek fo herem! Ya, mifala laek fo herem nomoa olketa naes toktok.

Emos 7:12

Amasaea hemi kam an tok olsem long mi, ?Yu, man hu hemi save lukim olketa spesol drim, yu gobaek long Jiuda. Long datfala ples nao bae yu talemaot profesi blong yu, an olketa pipol long ples blong yu nao bae i save peim yu.

1 Korin 12:17

?Sapos bodi hemi wanfala ae nomoa, hao nao hemi save herem enisamting? ?O sapos bodi hemi wanfala ia nomoa, hao nao hemi save smelem enisamting?

Jajis 1:1

Bihaen long taem wea Josua hemi dae, olketa blong Israel i askem Yawe olsem, “?Wanem traeb nao bae go fastaem fo faetem olketa pipol blong Kenan?”

Jajis 18:5

Den olketa tok olsem long hem, “Plis, mifala laekem yu fo faendemaot long God sapos olketa samting wea bae mifala duim hemi gud o nomoa.”