1 Samuel 9:3 - Pijin Bible

³ Oraet, wanfala taem samfala dongki blong Kis i lus, an hemi tok olsem long san blong hem, “Sol, yu tekem wanfala wakaman, an yutufala go fo lukaotem olketa dongki ya.”

Pijin Deuterocanon

³ Oraet, wanfala taem samfala dongki blong Kis i lus, an hemi tok olsem long san blong hem, “Sol, yu tekem wanfala wakaman, an yutufala go fo lukaotem olketa dongki ya.”

1 Samuel 9:3 Iomraidhean Croise

Jajis 10:4

Man ya hemi garem tetifala san, an bikos olketa i lida, evriwan long olketa i raedem dongki. An olketa lukaftarem tetifala taon wea i stap long lan blong Gilead, an kam kasem tude nem blong olketa taon ya i stap yet olsem “Olketa taon blong Jaea”.

Jajis 5:10

“Yufala bikman hu i raed long olketa waet dongki, an yufala risman hu i sidaon nomoa, an yufala man hu i wakabaot nomoa, yufala evriwan mas tingting gudfala.

1 Samuel 10:14

Bihaen, angkol blong Sol hemi lukim hem wetem wakaman blong hem, an hemi askem tufala olsem, “?Wea nao, yutufala stap kam?” An Sol hemi tok olsem, “Mitufala bin go lukaotem olketa dongki wea i lus, bat taem mitufala no faendem olketa, mitufala go lukim Samuel.”

1 Samuel 10:2

Taem yu goaot from hia tude, bae yu go long distrik blong Benjamin an bae yu mitim tufala man long Selsa kolsap long beregraon blong Resel ya bifoa. Bae tufala tok olsem long yu, ‘Olketa dongki ya, olketa faendem nao. Bat dadi blong yu hemi wari tumas abaotem yutufala, an hemi tingting tumas long hao nao hem save faendem yutufala.’

1 Samuel 9:2

Kis hemi garem wanfala san wea nem blong hem Sol. Hemi wanfala nambawan yang man. An hemi barava tolfala man tu, olsem hed blong hem i hae winim olketa narafala man long Israel.

1 Samuel 9:20

Olketa dongki wea i bin lus fo trifala de finis, yu no wari long olketa bikos olketa faendem finis. ?Bat, hu nao olketa pipol blong Israel i barava laekem tumas fo faendem? Ating hemi yu wetem famili blong yu.”

1 Samuel 9:4

So Sol hemi tekem wanfala wakaman, an tufala go nao long olketa hil long distrik long Efrem fo lukaotem olketa dongki ya, an long eria raonem Salisa, bat tufala no faendem olketa. Bihaen, tufala go long eria long Saalim, bat tufala no faendem olketa long eria ya tu. Oraet, tufala go insaet long distrik blong Benjamin, bat olketa dongki ya i no stap long distrik ya tu.