1 Samuel 9:11 - Pijin Bible

¹¹ Taem tufala wakabaot goap long hil fo go insaet long taon ya, tufala mitim olketa gele wea i kamdaon fo tekem wata. An tufala askem olketa olsem, “?Waswe, man fo lukim spesol drim hemi stap long taon, o nomoa?”

Pijin Deuterocanon

¹¹ Taem tufala wakabaot goap long hil fo go insaet long taon ya, tufala mitim olketa gele wea i kamdaon fo tekem wata. An tufala askem olketa olsem, “?Waswe, man fo lukim spesol drim hemi stap long taon, o nomoa?”

1 Samuel 9:11 Iomraidhean Croise

Jenesis 24:11

nao taem hemi kasem taon ya, hemi go an res kolsap long wanfala wel long ples ya, an hemi mekem olketa kamel blong hem fo res tu. Long taem ya, san hemi gohed fo godaon nao, an olketa woman blong taon ya olketa gohed fo wakabaot kam long wel ya fo kasem wata.

Jenesis 24:15

Taem man ya hemi no finisim prea blong hem yet, wanfala yang gele hemi kasem ples ya nao, wea i karim wanfala botol fo wata long solda blong hem. Gele ya, nem blong hem nao Ribeka. Hem ya dota blong Betuel, hu hemi bon long Milka an Nehoa. Nehoa ya hemi brata blong Ebraham.

Jenesis 29:8

Bat olketa evriwan i tok olsem, “Nomoa, mifala no save duim olsem ya. Mifala gohed fo weitem evri grup long sipsip fo kam tugeta fastaem, nao bae mifala evriwan i save joen tugeta fo rolemaot ston ya. Nao bae mifala save givim wata long olketa.”

Jenesis 29:9

Nao taem Jekob hemi gohed fo toktok yet wetem olketa man ya, gele ya hemi kamap wetem olketa sipsip blong dadi blong hem nao. Hem nao hemi gohed fo lukaftarem olketa sipsip ya.

Eksodas 2:16

sevenfala gele i kam long ples ya. Olketa gele ya i dota blong Jetro hu hemi wanfala prist long lan blong Midian. Olketa gele ya i kam wetem olketa sipsip an nanigot blong Jetro fo givim wata long olketa.

Provebs 24:15

Yu no haed olsem man nogud, mekem yu kilim gudfala man. Yu no go fo spoelem ples blong gudfala man.

Jajis 5:11

!Yufala lisin! Pipol long olketa wel i singsing abaotem nius wea Yawe nao hemi winim faet. Ya, olketa talemaot dat yumi long Israel i winim faet. Oraet, olketa pipol blong Yawe i goaot fo faet.