1 Samuel 7:2 - Pijin Bible

² An stat long datfala taem, Tambu Boks ya hemi stap fo tuenti yia. Long datfala taem olketa blong Israel i gohed fo krae go long Yawe mekem hemi helpem olketa.

Pijin Deuterocanon

² An stat long datfala taem, Tambu Boks ya hemi stap fo tuenti yia. Long datfala taem olketa blong Israel i gohed fo krae go long Yawe mekem hemi helpem olketa.

1 Samuel 7:2 Iomraidhean Croise

1 Kronikols 13:5

So Deved hemi sendem toktok go long olketa pipol blong Israel, stat long saot long Sihoa riva long Ijip, go kasem ples long Lebo-Hamat long not. Hemi kolem kam evriwan, mekem olketa tekem kambaek Tambu Boks ya long Jerusalem.

Jeremaea 26:20

(Bifoa, narafala man bin stap hu hemi talemaot olketa profesi long nem blong Yawe. Nem blong hem Yuraea, san blong Semaea, hemi man blong taon long Kiriat-Iarim. Hem tu hemi talemaot olketa profesi agensim disfala taon an disfala kantri olsem Profet Jeremaea hemi talem.

Jeremaea 3:13

Bat yufala mas luksave dat yufala fitim fo panis nao. Yufala gohed fo no obeim mi, an gohed fo mekem sin agensim mi, an wosipim olketa narafala god andanit long sado blong evri gudfala tri.’”

Jeremaea 31:9

Taem mi gohed fo lidim olketa kambaek, bae olketa gohed fo krae an prea long mi. Bae mi gohed fo lidim olketa long wanfala gudfala rod wea olketa no save wikdaon long hem, an bae olketa garem plande springwata fo dring long hem. Bae mi lukaftarem olketa olsem, bikos mi olsem dadi blong Israel, an Israel hemi olsem fasbon pikinini boe blong mi.

Matiu 5:4

Olketa hu i sore tumas, olketa save hapi ya, bikos bae God hemi mekem olketa fo no sore moa.

Josua 9:17

So olketa blong Israel i go nao bihaen long olketa, an long mektri de olketa kasem fofala taon blong olketa ya long Gibeon, an Kefira, an Beerot an Kiriat Jearim.

Jajis 2:4

Taem Enjel blong Yawe hemi talem finis toktok long pipol blong Israel, evriwan barava krae nao.

1 Samuel 7:1

So olketa man blong Kiriat-Jearim i go fo tekem kam Tambu Boks ya. Olketa putum long haos blong Abinadab wea hemi stap antap long hil. An olketa mektambu long Eleasa hu hem wanfala san blong Abinadab, mekem hem lukaftarem Tambu Boks ya.

1 Samuel 7:3

Profet Samuel hemi tok long olketa blong Israel olsem, “Olketa, sapos yufala wande tanem evri tingting blong yufala fo kambaek long Yawe, yufala mas torowe olketa tambu kaving blong disfala woman god Astarot wetem olketa narafala god. An yufala mas givim ful laef blong yufala long Yawe an yufala mas wosipim hem nomoa. Sapos olsem, bae hemi sevem yufala from paoa blong pipol blong Filistia.”