1 Samuel 5:12 - Pijin Bible

¹² Olketa hu i sik long olketa boela bat i no dae, olketa ka-krae go long olketa god blong olketa fo helpem olketa.

Pijin Deuterocanon

¹² Olketa hu i sik long olketa boela bat i no dae, olketa ka-krae go long olketa god blong olketa fo helpem olketa.

1 Samuel 5:12 Iomraidhean Croise

1 Kings 19:17

Nao trifala ya bae kilim dae olketa enemi blong mi. Sapos eni man hemi ranawe from Hasael, Jehu bae hemi kilim hem dae. An sapos eni man hemi ranawe from Jehu, Elaesa bae hemi kilim hem dae.

Eksodas 12:30

Nao long datfala naet, king wetem olketa bikman blong hem an olketa narafala pipol blong Ijip i wekap, an olketa krae fogud, bikos long evri haos long kantri ya, samwan hemi dae.

Jeremaea 14:2

“Evriwea long Jiuda, olketa pipol i sore an krae. Olketa pipol long olketa taon i wikdaon. Olketa sore fogud fo drae graon blong olketa. Olketa long Jerusalem i gohed fo krae kam long mi.

Jeremaea 25:34

!Olketa lida! !Yufala mas barava sore an krae! Yufala mas rol olobaot long asis faea fo somaot dat yufala filnogud. Olketa pipol i olsem sipsip, an yufala i olsem man fo lukaftarem olketa sipsip ya. Bat distaem, de fo kilim yufala hemi kam finis, an olketa enemi blong yufala bae i spoelem yufala finis. Bae yufala kam olsem nambawan pot olketa wakem long graon wea hemi foldaon an hemi brek, mekem hem kamap nogud tumas.

Jeremaea 48:3

Lisin kam long noes from taon long Horonaem. Bae olketa singaot bikfala olsem, ‘!Bikfala trabol hemi kasem yumi finis! !Olketa brekemdaon evrisamting long datfala taon, an bae yumi dae!’

Emos 5:19

Long datfala De, bae hemi olsem wea wanfala man hemi ranawe from wanfala laeon, an taem hemi gohed fo ran go, hemi mitim narafala bikfala wael animol moa long frant long hem. O hemi olsem taem wea wanfala man hemi kambaek long haos blong hem, an hemi putum han blong hem go nomoa long wol bat wanfala poesen snek hemi baetem hem nao.

1 Samuel 6:1

Taem Tambu Boks blong Yawe hemi stap long Filistia fo sevenfala mans,

1 Samuel 9:16

“Mi lukim finis dat olketa pipol blong mi i filnogud an mi herem finis wea olketa krae long mi fo mi helpem olketa. Tumoro long distaem, bae mi sendem kam wanfala man blong traeb blong Benjamin fo lukim yu. Bae yu mas kapsaetem oel go long hed blong hem fo mektambu long hem fo kamap king blong Israel. An bae hemi sevem yufala from paoa blong olketa blong Filistia.”