1 Samuel 4:2 - Pijin Bible

² Den olketa blong Filistia i kamaot fo faetem olketa blong Israel. Olketa faet strong tumas, go-go olketa winim Israel, an olketa kilim dae 4,000 man.

Pijin Deuterocanon

² Den olketa blong Filistia i kamaot fo faetem olketa blong Israel. Olketa faet strong tumas, go-go olketa winim Israel, an olketa kilim dae 4,000 man.

1 Samuel 4:2 Iomraidhean Croise

Lamentesin 3:40

Hemi gud fo yumi luklukgud long olketa wei blong yumi, mekem yumi lusim eni nogud wei, an kambaek long Yawe.

Nambas 14:45

Den olketa long laen blong Amalek wetem laen blong Kenan wea i stap long datfala ples, i kam faetem olketa an winim olketa, an olketa ronem olketa olowe go kasem taon long Homa.

Josua 7:12

From samting ya nao, yufala no save winim olketa enemi blong yufala. Yufala ranawe from olketa, bikos yufala seleva nao i mekem panis ya fo kasem yufala. So yufala evriwan nao mas dae. Sapos yufala no barava bonem olketa samting wea yufala stilim, bae mi no save helpem yufala moa.

1 Samuel 17:21

Olketa soldia blong Filistia i kam stanap long ples blong olketa, an olketa soldia blong Israel i kam stanap long ples blong olketa, nao olketa evriwan i redi fo faet.

1 Samuel 17:8

Oraet, Golaeat hemi stanap an singaot go long olketa soldia blong Israel olsem, “!Ei! !Olketa slev blong Sol! ?Yufala duim wanem ya? ?Yufala redi nao fo faet? !Mi nao strongman fo faet blong Filistia ya! Yufala siusim wanfala man fo kamdaon mekem mitufala faet.

1 Samuel 4:1

An taem Samuel hemi toktok, evriwan long laen blong Israel i lisin long hem. Wanfala taem, olketa man blong Israel i go fo faet agensim olketa man blong Filistia. Olketa blong Israel i putumap olketa haostent blong olketa long ples long Ebeneser an olketa blong Filistia i stap long taon long Afek.

1 Samuel 4:10

Nao olketa go fo faet moa, an bikos olketa strong tumas, olketa winim olketa blong Israel. Olketa kilim dae 30,000 soldia blong Israel. Olketa nara man blong Israel i ranawe go long ples blong olketa seleva.

1 Samuel 4:3

Taem olketa blong Israel wea i no dae i kambaek long ples blong olketa, olketa lida blong olketa i tok olsem, “?Waswe nao Yawe hemi letem olketa blong Filistia fo winim yumi tude? Yumi mas go long Saelo, mekem yumi karim kam Tambu Boks blong Spesol Agrimen blong Yawe. Taem Tambu Boks hemi stap wetem yumi, hemi save tekemaot yumi from paoa blong olketa enemi blong yumi.”