1 Samuel 4:11 - Pijin Bible

¹¹ Long faet ya, Hofni an Finehas, tufala san blong Ilae, tufala dae. An olketa blong Filistia nao i tekem go Tambu Boks blong God.

Pijin Deuterocanon

¹¹ Long faet ya, Hofni an Finehas, tufala san blong Ilae, tufala dae. An olketa blong Filistia nao i tekem go Tambu Boks blong God.

1 Samuel 4:11 Iomraidhean Croise

Sams 78:56

Nomata olsem, olketa gohed nomoa fo agensim God hu hemi hae tumas. Ya, olketa minim nomoa fo testem hem. An olketa no kipim olketa lo blong hem tu.

Sams 78:64

Olketa prist blong olketa tu i dae long faet, an olketa waef blong olketa ya i fraet fogud, so olketa no krae nomoa.

Aesaea 3:11

!Bat sore tumas long olketa hu i falom ravis wei! Bae Yawe hemi sensimbaek long olketa evri ravis samting wea olketa bin duim.

Jeremaea 7:12

Yufala go long ples wea taon long Saelo bin stap bifoa, disfala ples wea mi siusim fastaem fo olketa grani blong yufala i mekem wosip long mi. Yufala go lukim wanem mi bin duim long ples ya taem olketa bin gohed fo sin. Mi barava spoelem datfala ples.

1 Samuel 2:31

Ilae, yu save, i no longtaem nomoa, an bae mi kilim dae yu wetem evriwan long laen blong yu. No eniwan long olketa bae kamap olo.

1 Samuel 2:32

Olketa narafala laen long Israel bae garem blesing bat yufala bae filnogud tumas olowe, an bae no eniwan long laen blong yu i save kamap olo.

1 Samuel 2:34

Taem yu lukim tufala san blong yu i dae long sem de, bae hem barava somaot olsem olketa samting wea mi bin talem long yu i tru nao.

1 Samuel 3:12

Long datfala taem, bae mi duim evrisamting wea mi bin talem agensim famili blong Ilae, an no enisamting bae mis.

1 Samuel 4:21

Hemi kolem boe ya Ikabod, wea i minim “saen long paoa blong God i lus.” Hemi givim nem ya bikos olketa soldia blong Filistia i tekem finis Tambu Boks ya, an bikos inlo blong hem an hasban blong hem, tufala dae. Hemi sei, “Saen long paoa blong God hemi lusim yumi long Israel, bikos olketa soldia blong Filistia i tekem finis Tambu Boks blong God.”