1 Samuel 4:1 - Pijin Bible

¹ An taem Samuel hemi toktok, evriwan long laen blong Israel i lisin long hem. Wanfala taem, olketa man blong Israel i go fo faet agensim olketa man blong Filistia. Olketa blong Israel i putumap olketa haostent blong olketa long ples long Ebeneser an olketa blong Filistia i stap long taon long Afek.

Pijin Deuterocanon

¹ An taem Samuel hemi toktok, evriwan long laen blong Israel i lisin long hem. Wanfala taem, olketa man blong Israel i go fo faet agensim olketa man blong Filistia. Olketa blong Israel i putumap olketa haostent blong olketa long ples long Ebeneser an olketa blong Filistia i stap long taon long Afek.

1 Samuel 4:1 Iomraidhean Croise

1 Kings 20:26

Den long neks yia bihaen long taem wea i kol tumas, Ben-Hadad hemi kolem kam olketa soldia blong hem, mekem olketa go faetem pipol blong Israel long eria long Afek.

1 Kings 20:30

An olketa soldia blong Siria wea i laef yet, olketa ranawe go long taon long Afek. Bat bikfala wolston blong taon ya hemi foldaon kam, an kilim dae 27,000 long olketa moa. An King Ben-Hadad tu hemi ranawe go insaet long taon ya, an hemi go haed long wanfala haos.

Sams 83:7

an olketa pipol long Gebal, an olketa laen blong Amon, an olketa laen blong Amalek, an olketa pipol long Filistia, an olketa pipol long Taea.

Diutronomi 29:10

“Distaem yufala evriwan stanap long frant long Yawe. Yufala nao i olketa lida, an olketa sif, an olketa bikman, an olketa olo, wetem evri man blong Israel.

Josua 13:4

Plande eria long Kenan hemi stap yet fo yufala tekova long hem, olsem eria long Meara wea hemi ples blong olketa pipol blong Saedon go olowe go-go kasem taon long Afek wea hemi makem spialaen long lan blong olketa long laen blong Amoa.

Josua 15:53

an Janim, an Bet-Tapua, an Afeka,

Josua 19:30

an Uma, an Afek an Rehob. Tuenti-tu taon wetem olketa vilij raonem olketa i stap long datfala eria.

1 Samuel 10:19

Mi nao God blong yufala wea mi bin sevem yufala from olketa trabol an hadtaem blong yufala bifoa. Bat tude, yufala les long mi, an yufala laekem tumas wanfala king. Oraet, yufala mas divaed long olketa traeb an laen blong yufala, nao yufala kam long mi, mekem mi siusim king blong yufala.”

1 Samuel 29:1

Oraet, ami blong Filistia i hipap tugeta long taon long Afek, an olketa soldia blong Israel i go putumap olketa haostent kolsap long wanfala springwata long Jesreel Vali.

1 Samuel 3:11

Den Yawe hemi tok olsem long hem, “Bae hemi no longtaem nomoa, an mi mekem wanfala samting wea hemi nogud tumas long olketa pipol blong kantri ya. An taem olketa pipol i herem samting ya, bae olketa seke long hem.

1 Samuel 4:2

Den olketa blong Filistia i kamaot fo faetem olketa blong Israel. Olketa faet strong tumas, go-go olketa winim Israel, an olketa kilim dae 4,000 man.

1 Samuel 5:1

Taem olketa blong Filistia i holem Tambu Boks blong God, olketa karimaot from Ebeneser an olketa tekem go long taon long Asdod.

1 Samuel 7:12

Bihaen, Samuel hemi putumap wanfala bikfala ston long wanfala ples long midol long tufala taon long Mispa an Sen. An hemi kolem ston ya Ebeneser bikos hemi sei, “Yawe hemi helpem yumi kam kasem tude.”