1 Samuel 31:6 - Pijin Bible

⁶ Hem nao, King Sol wetem trifala san blong hem an disfala yangman, an olketa soldia blong Sol i dae long sem de nomoa.

Pijin Deuterocanon

⁶ Hem nao, King Sol wetem trifala san blong hem an disfala yangman, an olketa soldia blong Sol i dae long sem de nomoa.

1 Samuel 31:6 Iomraidhean Croise

2 Samuel 1:1

Long taem wea King Sol hemi dae, Deved gohed fo faetem olketa blong Amalek. Taem hemi winim olketa ya finis, hemi kambaek long taon long Siklag, an hemi stap long dea fo tufala de.

2 Samuel 1:12

Olketa barava sore tumas an krae fo Sol wetem san blong hem Jonatan, an fo ami blong Yawe tu, an fo pipol blong Israel, bikos olketa nao i dae long faet. Olketa krae nogud an no kaikai go kasem ivining.

1 Kronikols 10:6

Hem nao, King Sol wetem trifala san blong hem i dae tugeta long sem de, an laen blong Sol hemi finis nao.

Jajis 9:54

Seknomoa, sif ya hemi tok long yangfala soldia wea hemi karim olketa samting fo faet blong hem, an hemi sei olsem, “Tekem naef fo faet blong yu an kilim mi dae. Nogud olketa sei, ‘O, wanfala woman nomoa hemi kilim hem dae.’” So soldia ya hemi tekem naef fo faet an kilim hem dae nao.

1 Samuel 11:15

So olketa evriwan i go long Gilgal, an long tambuples ya long frant long Yawe, olketa talemaot olsem Sol nao hemi king blong olketa. An olketa mekem an kaikaim sakrifaes fo somaot dat olketa stapgud wetem Yawe. An long taem ya, King Sol an evriwan blong Israel i mekem bikfala fist wea olketa i hapi fogud.

1 Samuel 12:17

Yufala save, hemi taem fo tekemaot olketa wit long gaden, an sapos hemi ren, bae hemi spoelem kaikai ya. Nomata olsem, bae mi prea go long Yawe mekem hemi sendem kam tanda an ren. An taem tufala samting i kamap, bae yufala luksave dat yufala duim wanfala ravis samting long ae blong Yawe taem yufala bin askem fo wanfala king.”

1 Samuel 12:25

Bat sapos yufala gohed fo duim olketa ravis samting oltaem, bae hemi barava spoelem yufala wetem king blong yufala.”

1 Samuel 26:10

Mi talem stret long yu, olsem Yawe hemi laef, hem nao bae hemi mekem king ya fo dae. Maet hemi kamap olo nao hemi dae, o maet hemi dae long faet, bat dae blong hem Yawe nomoa hemi save mekem.

1 Samuel 28:19

Tumoro, Yawe bae hemi mekem ami blong Filistia fo winim ami blong Israel. An yu wetem olketa pikinini blong yu, bae yufala kam stap wetem mi long ples blong man dae.”

1 Samuel 31:5

An taem yangman hemi lukim dat Sol hemi dae finis, hem tu hemi tekem naef fo faet, an hemi foldaonem hem seleva antap long hem, mekem hemi dae tugeta wetem Sol.

1 Samuel 31:7

Long datfala taem, olketa pipol blong Israel hu i stap kam long narasaet long Jesreel Vali, an long narasaet long Jodan Riva long ist, olketa herem nius wea ami blong Israel i ranawe finis, an Sol wetem trifala san blong hem i dae. So olketa ranawe an lusim olketa taon blong olketa. Den olketa blong Filistia i kam tekova long olketa taon ya.