1 Samuel 30:21 - Pijin Bible

²¹ Deved hemi gobaek fo lukim 200 man blong hem wea i stap long wata long Besoa. Hem ya nao olketa wea i taet tumas an olketa no go wetem hem. Evri man ya i kam fo mitim hem wetem olketa narafala pipol blong hem, nao hemi talem halo long olketa.

Pijin Deuterocanon

²¹ Deved hemi gobaek fo lukim 200 man blong hem wea i stap long wata long Besoa. Hem ya nao olketa wea i taet tumas an olketa no go wetem hem. Evri man ya i kam fo mitim hem wetem olketa narafala pipol blong hem, nao hemi talem halo long olketa.

1 Samuel 30:21 Iomraidhean Croise

Hibrus 13:1

Yufala mas gohed nomoa fo lavem yufala evriwan olsem olketa brata an sista.

1 Pita 3:8

Nao las samting long disfala tingting hemi olsem, yufala evriwan mas wanmaen an mas sore long yufala evriwan. Yufala mas lavem yufala evriwan olsem olketa tru brata, an yufala mas kaen long yufala an yufala mas hambol wetem yufala evriwan.

Jajis 8:15

Gidion hemi go long olketa man blong Sukot, hemi tok olsem long olketa, “?Ei, yufala tingim wei wea yufala bin tokspoelem mifala? Yufala bin tok olsem, ‘?Waswe nao bae mifala givim kaikai long yufala? !Yufala no kasholem tufala sif ya yet!’ !Lukim go, tufala nao ya!”

1 Samuel 17:22

Deved hemi livim olketa kaikai long man wea hemi save lukaftarem evrisamting blong ami, an hemi ran go long ples fo faet. Hemi go lukim trifala brata blong hem, an hemi askem trifala olsem trifala oraet o waswe.

1 Samuel 30:22

Bat samfala ravis man hu i gridi tumas i tok olsem, “!Olketa ya i no kam wetem yumi! !Olketa no garem raet long evrisamting wea yumi winim longwe! Hemi gud fo olketa tekem nomoa waef, wetem olketa pikinini blong olketa, an go.”