1 Samuel 3:3 - Pijin Bible

³ an Samuel hemi slip long tambuhaos blong Yawe wea Tambu Boks blong Spesol Agrimen hemi stap. Long naet, taem wea i no brek delaet yet an Lam blong Tambu Rum hemi laet yet,

Pijin Deuterocanon

³ an Samuel hemi slip long tambuhaos blong Yawe wea Tambu Boks blong Spesol Agrimen hemi stap. Long naet, taem wea i no brek delaet yet an Lam blong Tambu Rum hemi laet yet,

1 Samuel 3:3 Iomraidhean Croise

2 Kronikols 13:11

Evri de, long moning an long ivining, olketa gohed fo bonem insens an mekem sakrifaes wea hemi barava bone fo wosipim Yawe. Olketa gohed fo tekem bred, an putum long tambu Tebol fo givim go long Yawe, an evri de long ivining, olketa laetem olketa lam long Spesol Frem fo Putum Olketa Lam wea olketa wakem long gol. Mifala nao mifala duim evrisamting wea Yawe hemi talem, bat yufala lusim hem finis.

Sams 27:4

Hem ya nomoa wanfala samting wea mi askem long Yawe. Mi laekem tumas fo stap long haos blong hem oltaem long laef blong mi, mekem mi gohed fo lukluk long olketa gudfala wei blong hem, an fo askem hem fo lidim mi olowe.

Sams 29:9

Voes blong Yawe hemi sekem olketa barava bikfala tri, ya, an hemi aotem olketa lif blong olketa. Nao evriwan wea i stap long Tambuhaos blong hem, olketa singaot olsem, “Yumi liftimap nem blong God.”

Sams 5:7

Bikos lav blong yu hemi bikfala tumas, hem nao mi save kam long haos blong yu. Mi save wosipim yu insaet long Tambuhaos blong yu, an baodaon long yu fo mekhae long yu.

Eksodas 25:31

Yawe hemi gohed fo tok olsem, “Bae yu mas yusim nambawan gol fo wakem wanfala spesol frem fo putum olketa lam. An yu mas hamarem gol ya fo mekem botom an pos blong hem. Olketa kap fo putum oel lam antap long hem, yu mas mekem olketa kap ya fo luk olsem flaoa, mekem evri pat long hem long wanfala pis gol nomoa.

1 Samuel 1:6

An bikos Yawe hemi no letem Hana fo garem pikinini, oltaem Penina hemi gohed fo mekful long hem fo mekem hem filnogud.

1 Samuel 1:9

Wanfala de, taem olketa finis long fist blong disfala sakrifaes long tambuhaos blong Yawe long Saelo, Hana hemi stanap an hemi prea an krae go long Yawe bikos hemi barava filnogud yet. Long datfala taem, disfala prist Ilae hemi sidaon long sea blong hem kolsap long doa blong tambuhaos.