1 Samuel 29:3 - Pijin Bible

³ Bat taem olketa komanda blong ami blong Filistia i lukim Deved, olketa tok olsem, “!Oloketa! ?Waswe long olketa ravis Hibru ya?” Bat Sif Akis hemi tok olsem, “Hemi Deved ya, fastaem hemi wanfala bikman blong King Sol long Israel. Hemi stap wetem mi lelebet longtaem nao. An stat long taem wea hemi stap kam wetem mi kam kasem tude, mi nating faendem eni nogud samting wea hemi bin duim.”

Pijin Deuterocanon

³ Bat taem olketa komanda blong ami blong Filistia i lukim Deved, olketa tok olsem, “!Oloketa! ?Waswe long olketa ravis Hibru ya?” Bat Sif Akis hemi tok olsem, “Hemi Deved ya, fastaem hemi wanfala bikman blong King Sol long Israel. Hemi stap wetem mi lelebet longtaem nao. An stat long taem wea hemi stap kam wetem mi kam kasem tude, mi nating faendem eni nogud samting wea hemi bin duim.”

1 Samuel 29:3 Iomraidhean Croise

Jenesis 14:13

Bat wanfala man long taon ya hemi ranawe, nao hemi go long Ebram hu hemi wanfala Hibru, an hemi talemaot evrisamting long hem. Taem ya Ebram hemi stap nomoa long ples blong hem, kolsap long olketa bik tri wea i stap long tambuples ya blong Mamre, hu hemi man long laen blong Amoa. Mamre ya wetem tufala brata blong hem Eskol an Anere, trifala i fren blong Ebram, an trifala mekem promis finis fo joen wetem hem long taem fo faet.

1 Kronikols 12:19

Long taem Deved hemi bin joenem olketa king blong Filistia fo go faetem King Sol, samfala man long traeb blong Manase i bin kam fo joenem hem. Bat olketa king blong Filistia i fraet, nogud Deved hemi laea long olketa, an putum olketa long han blong king Sol, so olketa sendem hemi gobaek long Siklag, mekem hemi no duim enisamting fo helpem olketa.

1 Kronikols 12:20

Olketa long traeb blong Manase wea i joenem hem i olsem: Adna, an Josabad, an Jediael, an Maekol, an narafala Josabad, an Elihu, an Siletae. Olketa ya i lida long olketa seksin long 1,000 soldia long traeb blong Manase.

Daniel 6:5

So, tufala hedman ya wetem olketa minista i tok olsem tugeta long olketa seleva, “Bae yumi no save faendem eni wei fo agensim long waka blong Daniel ya. Ating bae yumi save kasem hem nomoa long wei wea hemi falom long lo blong God blong hem.”

Gudnius abaotem Jisas Kraes wea Jon hemi raetem 19:6

Taem olketa hedprist an olketa man fo sekiuriti long Tambuhaos olketa lukim hem, olketa barava singaot bikfala olsem nao, “!Nilam hem long kros! !Nilam hem long kros!” Nao Paelat hemi sei long olketa, “Yufala nao yufala tekem hem go an yufala nilam hem long kros, bikos mi no faendem enisamting wea disfala man hemi duim wea hemi rong.”

Leta wea Pol hemi raetem go long sios long Rom 12:17

Sapos eniwan duim ravis samting long yufala, yufala mas no sensimbaek, bat yufala mas duim nomoa wanem hemi stret long ae blong evriwan.

1 Pita 3:16

Bat yufala mas ansarem olketa long wei wea hemi kuaet an kaen. An yufala mas stret an laef blong yufala mas gud olowe, mekem olketa pipol hu i save tokspoelem yufala from gudfala wei blong yufala hu i falom Kraes, bae olketa filsem fogud.

1 Samuel 14:11

So, tufala go. An taem olketa lukim tufala, olketa tok olsem, “!Ei, yufala luk go! Olketa Hibru i ka-kamaot long olketa hol wea i haed long hem.”

1 Samuel 25:28

Plis, yu fogivim mi, wakamere blong yu, from olketa ravis samting wea mi duim. Yawe bae hemi mekem yu kamap king, an oltaem bae hemi mekem wanfala man long laen blong yu fo hemi king, bikos yu mekem olketa faet olsem wea Yawe hemi talem. An oltaem long laef blong yu, hemi gud sapos yu no duim eni nogud samting.

1 Samuel 27:1

Bihaen, Deved hemi tingting seleva olsem, “Ating wanfala de, King Sol bae hemi kilim mi dae. Hemi moabeta mi ranawe go stap long Filistia. Sapos mi stap long dea, bae hemi save givap an no lukaotem mi long Israel, an bae hemi no save spoelem mi.”

1 Samuel 27:7

Deved hemi stap long eria blong Filistia fo wan yia an foa mans.

1 Samuel 29:6

Den Akis hemi kolem kam Deved an tok olsem long hem, “Mi laekem tumas fo yu kam wetem mi fo faet. Mi talem stret long yu, olsem Yawe hemi laef, mi nating faendem enisamting wea yu bin duim rong, stat long taem wea yu kam long mi kam kasem tude. Bat olketa komanda ya nao i no hapi long yu.

1 Samuel 4:6

Taem olketa blong Filistia i herem bikfala noes ya, olketa tok olsem, “!Oloketa! ?Waswe nao olketa Hibru gohed fo singaot olsem?” An taem olketa herem dat Tambu Boks ya hemi kasem finis ples blong olketa blong Israel,