1 Samuel 28:3 - Pijin Bible

³ Bifoa long datfala taem, Samuel hemi bin dae finis an olketa pipol blong Israel i bin krae fo hem. An olketa berem hem long taon blong hem long Rama. An King Sol hemi bin raosim finis from Israel olketa man wea i save wakem majik, an olketa pipol fo toktok wetem devoldevol.

Pijin Deuterocanon

³ Bifoa long datfala taem, Samuel hemi bin dae finis an olketa pipol blong Israel i bin krae fo hem. An olketa berem hem long taon blong hem long Rama. An King Sol hemi bin raosim finis from Israel olketa man wea i save wakem majik, an olketa pipol fo toktok wetem devoldevol.

1 Samuel 28:3 Iomraidhean Croise

Eksodas 22:17

Bat sapos dadi blong gele ya hemi no letem hem fo hemi maritim man ya, oraet, man ya mas peim faen go long dadi blong gele ya, wea i barava praes long gele ya.

Eksodas 22:18

“Sapos wanfala woman hemi waka long majik, oraet, yufala mas kilim hem dae.

Levitikas 19:31

An yufala mas no go long olketa pipol hu i toktok wetem olketa devol blong man hu hemi dae, o olketa narafala devoldevol. Sapos yufala lukaotem olketa, oraet, yufala spoelem yufala seleva long ae blong mi, bikos mi nao Yawe, God blong yufala.

Levitikas 20:27

“Sapos eni man o woman hemi gohed fo toktok wetem devol blong olketa man dae o olketa narafala devoldevol, oraet, yufala mas sutim hem dae long ston, an dae blong hem hemi from rong blong hem seleva.”

Levitikas 20:6

“An sapos eniwan long yufala hemi go long olketa hu i save toktok wetem olketa devol blong olketa man dae o olketa narafala devoldevol, bae mi agensim hem an aotem hem from olketa pipol blong Israel.

1 Samuel 15:23

Wei wea man hemi les long God, hemi sin olsem man hemi mekem majik long grinlif. An wei wea man hemi haemapem hem seleva, hemi nogud tumas olsem hemi wosipim tambu kaving blong narafala god. Bikos yu les long toktok blong Yawe, hemi les fo yu king.”

1 Samuel 25:1

Profet Samuel hemi dae, an evriwan long Israel i kam tugeta an krae fo hem. Bihaen, olketa berem hem long ples blong hem long Rama. Bihaen long taem ya, Deved hemi go long drae eria long Paran.

1 Samuel 28:9

Bat woman ya hemi tok olsem, “?Waswe, yu no save yet wea King Sol hemi raosim olketa man hu i save wakem majik, an olketa hu i save toktok wetem devoldevol? ?Waswe nao yu trae fo trikim mi, mekem olketa kilim mi dae?”

1 Samuel 7:17

Bat oltaem, hemi kambaek long hom blong hem long Rama, an hemi jajem olketa trabol blong olketa pipol ya tu. An long datfala ples hemi wakem wanfala olta fo wosipim Yawe.