1 Samuel 28:10 - Pijin Bible

¹⁰ So Sol hemi tok olsem long woman, “!Yu no fraet! Olsem Yawe hemi laef, mi toktru, no eniwan hemi save panisim yu from samting ya.”

Pijin Deuterocanon

¹⁰ So Sol hemi tok olsem long woman, “!Yu no fraet! Olsem Yawe hemi laef, mi toktru, no eniwan hemi save panisim yu from samting ya.”

1 Samuel 28:10 Iomraidhean Croise

Jenesis 3:5

Hemi talem olsem bikos hemi save finis sapos yutufala kaikaim frut ya, bae ae blong yutufala i open nao, an bae yutufala kamap olsem hem, wea bae yutufala save long olketa wei wea i nogud an olketa wei wea i gud.”

2 Samuel 14:11

Oraet, woman ya hemi tok olsem, “King, yu save, long kastom blong yumi, wanfala wantok blong mi hemi redi fo kilim dae pikinini blong mi fo sensimbaek wanem hemi bin duim. Plis yu tokstrong long nem blong Yawe, God blong yumi, mekem wantok ya hemi no kilim dae pikinini blong mi.” So king hemi tok olsem, “Olsem Yawe hemi laef, mi toktru, no eniwan save tasim pikinini blong yu fo kilim hem dae.”

Eksodas 20:7

“Yufala mas no yusim nem blong mi fo eni nogud samting, bikos mi nao Yawe, God blong yufala, an bae mi panisim eniwan hu hemi yusim nem blong mi fo eni nogud samting olsem.

Matiu 26:72

Long taem ya, Pita hemi laea moa, an hemi tokstrong olsem, “!Mi nating save long disfala man ya!”

Gudnius abaotem Jisas Kraes wea Mak hemi raetem 6:23

An hemi mekem wanfala strongfala promis nao fo gele ya an hemi sei, “Mi bae mi givim yu enisamting nomoa wea yu askem long mi, nomata barava haf long evrisamting wea mi rul ovarem.”

1 Samuel 14:39

Mi tok tru long nem blong Yawe hu hemi laef an hemi mekem yumi fo win, mi promis olsem man wea hemi duim nogud samting ya, hem mas dae. !Nomata san blong mi Jonatan, o hu, hem mas dae!” Bat evriwan i stap kuaet.

1 Samuel 19:6

Nao disfala toktok hemi tanem tingting blong Sol. So hemi mekem wanfala strong promis olsem, “Olsem Yawe hemi laef, mi toktru, bae mi no mekem Deved hemi dae.”

1 Samuel 28:11

Den woman ya hemi askem Sol olsem, “?Hu nao yu laekem mi fo kolem kam?” Nao hemi ansa olsem, “Profet Samuel.”

1 Samuel 28:9

Bat woman ya hemi tok olsem, “?Waswe, yu no save yet wea King Sol hemi raosim olketa man hu i save wakem majik, an olketa hu i save toktok wetem devoldevol? ?Waswe nao yu trae fo trikim mi, mekem olketa kilim mi dae?”