1 Samuel 27:9 - Pijin Bible

⁹ Evritaem, hemi kilim dae evri man an woman, bat hemi tekem olketa sipsip wetem olketa buluka, an olketa dongki, an olketa kamel blong olketa, an hemi tekem tu olketa kaleko blong olketa. An olowe hem save gobaek fo lukim Sif Akis.

Pijin Deuterocanon

⁹ Evritaem, hemi kilim dae evri man an woman, bat hemi tekem olketa sipsip wetem olketa buluka, an olketa dongki, an olketa kamel blong olketa, an hemi tekem tu olketa kaleko blong olketa. An olowe hem save gobaek fo lukim Sif Akis.

1 Samuel 27:9 Iomraidhean Croise

Jenesis 16:7

Hemi go stap long wanfala drae eria, long saet blong wanfala springwata wea i stap long saet rod fo go long Sua long saot. Nao enjel blong Yawe hemi kam nao hemi faendem hem long ples ya,

Jenesis 25:18

Olketa laen blong Ismael ya olketa no stap wetem olketa narafala laen blong Ebraham, olketa stap long graon ya long midol long tufala ples ya wea olketa kolem Havila an Sua, long ist saet long Ijip, long rod wea i lusim Ijip fo go long Asiria.

Stori abaotem Job 1:3

Hemi garem 7,000 sipsip, an 3,000 kamel, an 1,000 buluka, an 500 dongki. An hemi garem plande wakaman, an hemi barava ris fogud winim evriwan long olketa ples long eria wea san hemi kamap.

Eksodas 15:22

Mosis hemi lidim olketa pipol blong Israel aot from Red Si, an olketa go long drae eria long Sua. Olketa go fo trifala de finis long drae eria ya, bat olketa no save faendem eni wata fo dringim.

Josua 6:21

Olketa kilim dae evriwan insaet long taon ya long olketa naef fo faet. Olketa kilim dae evri man an woman, evri yanga an olo, wetem evri buluka an sipsip, an dongki.

1 Samuel 15:3

Yufala mas go faetem olketa, an yufala mas spoelem finis evrisamting blong olketa an no letem enisamting fo stap. Olketa man wetem olketa woman, an olketa pikinini, an olketa bebi blong olketa, yufala mas kilim dae olketa evriwan. An yufala mas kilim dae tu olketa buluka blong olketa, an olketa sipsip, an olketa kamel, an olketa dongki blong olketa. Evrisamting ya i olsem sakrifaes wea yufala mas givim go long mi Yawe.’”

1 Samuel 15:7

Sol wetem ami blong hem i faetem olketa blong Amalek an winim olketa. Faet ya hemi gohed go-go hemi kasem distrik long Havila long ist, an distrik long Sua kolsap long Ijip long west.

1 Samuel 15:8

Olketa kilim dae evriwan blong Amalek bat olketa no kilim Agag, king blong olketa. Olketa holem hem nomoa. An olketa holem tu olketa nambawan buluka wetem pikinini blong olketa, an olketa nambawan sipsip wetem pikinini blong olketa. An olketa narafala gudfala samting moa, olketa no spoelem olketa samting olsem. Olketa spoelem nomoa evrisamting wea i luk nogud.